Around GMA

Article Inside Page

Inilarawan ni beauty queen and actress Alma Concepcion bilang "two in one" ang role niya sa upcoming romance drama series with a touch of fantasy na The Write One.

"I play the mother of Bianca [Umali], si Joanne. Si Bianca magkakaroon ng maraming hindrances sa kanyang love life, sa kanyang career dahil sa pagiging kontrabida ng nanay," kuwento ni Alma sa media conference at pilot screening ng serye.

Maituturing na "stage mother" si Joanne na mahigpit na kino-control ang showbiz career ng anak niyan si Joyce, karakter ni Bianca.

"Exciting din kasi magkakaroon ng different world or different universe. Exciting for me to do this role kasi may ibang dimension. It's two characters in one character so maganda," lahad ni Alma.

Isa rin daw si Joanne sa mga magbabago ang buhay matapos i-rewrite ni Liam, karakter ni Ruru Madrid, ang kuwento ng kanyang buhay.

"Two in one [ang role] or even more kasi nga, Ruru has the power to change the channels or have a different path. Ibang level, very challenging and very exciting at the same time," paglalarawan ng aktres sa kanyang karakter.

Ang The Write One ay kuwento ng isang frustrated television writer na mabibigyan ng pagkakataon na literal mabago ang kanyang buhay sa pamamagitan ng isang antique typewriter.

Pagbibidahan ito nina Kapuso stars at real life couple na sina Ruru Madrid at Bianca Umali, kasama ang mga kaibigan at kapwa Kapuso couple na sina Mikee Quintos at Paul Salas.

Abangan ang world premiere ng The Write One sa March 20, 9:35 p.m. sa GMA, I Heart Movies, at Pinoy Hits. May same-day replay rin ito sa GTV, 11:30 p.m. Maaari ring mag-stream ng advanced episodes nito, anytime, anywhere sa www.viu.com.

SAMANTALA, SILIPIN ANG MEDIA CONFERENCE AT PILOT SCREENING NG THE WRITE ONE DITO: