Around GMA

Article Inside Page

Isa na namang kahangahangang eksena ang ipinamalas ng aktres na si Almira Muhlach sa GMA Telebabad series na Mano Po Legacy: The Family Fortune.

Komprontasyon ito sa pagitan ng karakter niyang si Elizabeth at ni Valerie, ang mistress ng kanyang asawa bago ito mamatay.

Nagpalitan ng maaanghang na salita ang dalawa dahil may kinalaman si Elizabeth sa restraining order na inihain laban kay Valerie na pumigil sa kanya na makita ang kapatid na may kapansanan.

Sa eksenang ito, si Elizabeth ang nananig dahil nagawa niyang paluhirin si Valerie at nakunan pa ng video ang pagmamakaawa nito.

Ayon kay Almira, marami daw siyang natanggap ng mensahe matapos umere ng episode.

View this post on Instagram

A post shared by 𝐴𝑙𝑚𝑖𝑟𝑎 𝑀𝑢ℎ𝑙𝑎𝑐ℎ (@almiramuhlach)

"Thank you to all who watched and loved this 'Loka Loka Ako' scene. Maraming salamat po to all who messaged me. My heart is full!" sulat niya sa kanyang Instagram account.

Pinasalamatan din niya ang ka-eksena niyang si Maricel Laxa, na gumaganap bilang Valerie.

"Thank you also to my dearest angel @mommymaricel for always making our confrontation scenes memorable and fun behind the camera. I will miss your craziness, Valerie!!!" pagpapatuloy ng kanyang caption.

Panoorin ang buong "loka loka" scene sa pagitan nina Elizabeth at Valerie dito:

Limang araw na lang ang natitira bago matapos ang kuwento ng Mano Po Legacy: The Family Fortune.

Huwag palampasin ang huling linggo nito, Lunes hanggang Biyernes, 8:50 pm sa GMA Telebabad.

Panoorin din ang same-day replay nito sa mula Lunes hanggang Huwebes, 11:30 pm at Biyernes ng 11:00 pm sa GTV.