Around GMA

Article Inside Page

Ikinagulat ng celebrity cosplayer at gamer na si Alodia Gosiengfiao ang pagbuhos ng suporta sa kanya ng fans matapos niyang kumpirmahin ang paghihiwalay nila ng YouTube content creator na si Wil Dasovich.

Una niya itong ipinahiwatig sa isang gym selfie na may caption na, "It's always empty here… parang puso ko. Choz! Hahaha "

Kasunod nito ay kinumpirma ni Alodia sa isa pang Facebook post kagabi, November 14, "To those asking, wala na kame. It's been a while. We tried to work things out many times but some things are not meant to be."

Dahil sa kanyang post, maraming Wilodia fans ang nalungkot. May ilan din namang hindi agad na nakapaniwala at inisip na isa lamang itong prank.

Pero agad itong nilinaw ni Alodia sa kanyang Facebook livestream na may title na "It is what it is."

Sabi ng Tier One Entertainment co-founder, "Sa mga nagtatanong pala, kasi may mga nagsasabi, 'Is it a prank?' to be honest, I don't normally do pranks and wala pa akong time to make like yung mga ganung types of videos kasi po very busy 'yung day ko. I, like, have meetings kasi and I also manage Tier One behind the scenes, so may mga business meetings. I manage gaming streams, the company, and branded contents, so 'yung mga ano... No, hindi po ito prank. I wish it were, but no."

Sa parehong video, nagpaabot din ng pasasalamat si Alodia sa mga sumusuporta sa kanya.

Aniya, "Thanks you, guys, for the support. Don't worry, I'm okay. Pero nagulat po ako bakit po tayo trending sa Twitter. Hindi ko po ine-expect 'yun. Gusto ko lang po kasi to be honest, it's been a while and I just really want everyone to know the truth."

Patuloy pa niya, "I'm not sad. Happy na lang tayo. Things happen for a reason, so okay lang. 'Stay strong,' yes, thank you, guys, for all the support.

"I'm seeing a lot of kind words. Pero I really don't wanna talk about it. I'm not the type kasi to talk about my personal life. Hindi po ako 'yung vlogger na nagpo-post masyado ng drama or whatever.

"I usually post about work, cosplay, gaming, the company Tier One, Blacklist International, and mga highlights ng games. Pero personal life, ayaw ko po talaga. And for the past videos, I don't monetize the videos. I mean, it's just there for me to document. Like, ako kasi, mabilis akong makalimot ng stuff, so it's just a diary for myself."

Bago magsimula ang kanyang game stream, napansin ni Alodia na dumami ang kanyang manonood, na sa tingin niya ay naghihintay din ng detalye tungkol sa paghihiwalay nila ni Wil.

Pero agad niyang sinabi, "Wala po akong maikukuwento sa inyo. I mean, it is what it is. Ganun po talaga ang buhay. I mean, stuff happens or it's not meant to be, and tinatanggap ko na lang po 'yon."

Sa isa pang game streaming na may titulong "laro na lang," sinagot naman ni Alodia ang tanong ng marami tungkol sa bahay na plano nilang ipagawa ni Wil.

Kamakailan lang ay naglabas pa ng reaction vlog si Wil, kasama si Alodia, sa house design ng architect at YouTube content creator na si Oliver Austria.

You know what, sobrang ganda ng house [design] niya, I'm still considering. I already have the lot naman, so pwede pa naman. Why not? I mean, hindi naman mawawala 'yun. Hindi lang ako nakapagpagawa ng reaction video kasi ang daming nangyayari, but it's really good. So, thank you, Pinoy Architect, for all that amazing work."

Unang inamin nina Alodia at Wil ang kanilang relasyon noong February 2018.

Balikan ang kanilang love story sa gallery na ito:

Samantala, narito ang ilang pang celebrity couples na naghiwalay ngayong 2021: