What's Hot
Amazing sports tricks, ituturo ngayong Linggo sa 'MP feat Sport Science!'
Published January 1, 1970 8:00 AM PHT
Updated April 10, 2020 2:25 AM PHT
Around GMA
Around GMA
Pasig River Esplanade ready in 10 days — Liza Marcos Girl, 7, hit, run over by pickup truck in Ilocos Sur; dies 'Heated Rivalry' star Hudson Williams makes runway debut at Milan Fashion WeekArticle Inside Page
Showbiz News
Isa na namang maaksyon na Linggo ang hatid sa inyo ni Pacman kasama sina Kylie Padilla, Rhian Ramos at ang champion cyclist na si Mark Galedo sa 'MP featuring Sport Science.'
By AL KENDRICK NOGUERA
Kung nakaraan ay ipinakita sa atin ng MP featuring Sport Science na walang tinatawag na tsamba, ngayon naman ay ituturo ng show kung paano gawin ang nakamamanghang tricks pagdating sa sports!
Sa tulong pala ng science, lahat ng imposible ay puwedeng gawin! Ayon nga kay Pambansang Kamao Manny Pacquiao, diskarte lang daw ang kailangan!
Bukod sa amazing tricks na ito, magpapakitang-gilas sina Kapuso stars Kylie Padilla at Rhian Ramos sa kanilang sports. Hindi biro ang sports nila dahil kadalasan ay kalalakihan ang gumagawa ng mga ito.
Kung si Kylie ay master ng mixed martial arts, magugulat naman kayo kay Rhian dahil car racing pala ang itinatagong sport!
May bonus pa dahil ikukuwento ng cyclist na si Mark Galedo kung paano niya nasungkit ang Le Tour de Filipinas championship title kamakailan!
At siyempre, mawawala ba si Sefferman? Ano'ng sports challenge naman kaya ang haharapin niya?
Lahat ng ‘yan ngayong Linggo ng gabi sa MP featuring Sport Science, pagkatapos ng Bet ng Bayan.
