Around GMA

Article Inside Page

Ipinasilip ni Kapuso actress Rochelle Pangilinan ang bonding time nila ng anak na si Shiloh tuwing gabi.

Ibinahagi ni Rochelle sa kanyang Instagram account ang isang maikling video ng pagpa-praktis nila ni Shiloh ng Tagalog bago matulog.

Habang nasa kama at suot ang kanilang pajamas, nagbigay ng tanong si Rochelle sa kanyang anak.

"Tagalog time. Ano'ng Tagalog ng 'ambag mo?'" aniya.

Hindi naman inaasahan ang sagot ni Shiloh dahil bigla na lang itong kumanta ng ilang linya ng iconic Sexbomb hit na "The Spageti Song."

Matatandaang sumikat si Rochelle bilang bahagi ng popular na grupo.

"Sumakit ang ulo ko! Sexbomb, Sexbomb, Sexbomb," pag-awit ni Shiloh.

Nagulat na lang si Rochelle sa sagot ng anak.

"Bakit 'yan ang kanta mo?" tanong niya muli habang natatawa.

"Spaghetting pababa, pababa nang pababa," pagpapatuloy ni Shiloh sa pagkanta.

Pero hindi papayag si Rochelle na hindi sila mag-praktis ng Tagalog kaya muli niya itong binato ng tanong.

"Ano'ng Tagalog ng spaghetti?'" biro niya.

"Pasta," sagot ni Shiloh matapos saglit na mag-isip.

Muling natawa si Rochelle sa anak.

"Tagalog ng spaghetti, pasta? Pancit!" pagtukso niya.

"Good night," sagot naman ni Shiloh bago magtakip ng kumot.

Panoorin ang nakakaaliw na kulitan ng mag-ina dito.

View this post on Instagram

A post shared by Rochelle Pangilinan (@rochellepangilinan)

Samantala, kasama si Rochelle sa cast ng upcoming Cinemalaya film ng Child No. 82 na pagbibidahan nina Vhong Navarro at PBB alum JM Ibarra.

Source: rochellepangilinan (IG)

Bahagi din si Rochelle ng action drama series na Lolong: Pangil ng Maynila na pinagbibidahan ni primetime action hero Ruru Madrid.

Gumaganap siya dito Karina, isang mananahi na naging assassin.

Abangan si Rochelle Pangilinan sa Lolong: Pangil ng Maynila, Lunes hanggang Biyernes, 8:00 p.m. sa GMA Prime.

May delayed telecast din ito sa GTV, 9:40 p.m. at maaaring panoorin online sa Kapuso Stream.