Around GMA

Article Inside Page

Malaking opportunity para sa StarStruck graduate na si Analyn Barro na mapasama sa longest-running at multi-awarded na gag show na Bubble Gang.

Hi 💋 pic.twitter.com/iO307BjsEd

-- Analyn Barro (@anaabarro) October 3, 2016

Sa one-on-one interview ni Analyn sa GMANetwork.com nang binisita namin siya sa pictorial ng bago niyang Kapuso drama, nagkuwento ito kung gaano kaimportante na matawag na isang official member ng Bubble Gang.

Saad niya, "I'm very honored na kasama ako and part ako ng Bubble Gang na dati pinapanood ko lang sa TV, ngayon mapapanood ko na 'yung self ko dun. And makakatrabaho ko sina Kuya Bitoy and sila Ate Myka, sina Kuya Diego. 'Yung mga beteranong Bubble Gangers na talaga.”

Wala din problema kay Analyn na maging panget o maging katatawanan sa mga ginagawa niyang sketch o gag para sa Bubble Gang dahil mas iniisip niya na makapag-deliver tuwing taping.

Paliwanag ni Analyn, “Hindi naman ako natatakot pumanget 'yung histura ko o mag-react ako ng [kakatuwa]. Okay naman sa akin, as long as makapag-deliver ako, which is kung ano'ng tama. Kung ano 'yung gusto ng director, kung ano'ng needed for this scene ganoon.”

Ano naman kaya ang natutunan niya sa tuwing nakakasama niya ang Kapuso comedy genius na si Michael V?

Aniya, “Si Kuya Bitoy kasi hindi lang siya artista dun, writer din siya dun. So, every morning kasi before kami magti-take mayroon kaming script reading lahat kami nasa isang lamesa. Nire-review lahat ng script, kung saan mas nakakatawa. Kung saan 'yung punchline dito. For example, may gusto siyang i-add, nire-rewrite niya tapos minsan ini-edit niya ganiyan. So ang galing niya, kasi he's putting effort, sobrang effort dito sa show because he loves Bubble Gang talaga.”