Andrea Del Rosario, bibida bilang isang ina na nawala sa katinuan sa 'Wish Ko Lang'
Around GMA
Around GMA
Fire erupts in Kuwait's Shuwaikh oil sector complex after drone attack —report Get tested for free: why you must visit these diabetes screening hubs this April Daig Kayo Ng Lola Ko: Children Adventure Stories (Full Episodes Marathon) | Stream TogetherArticle Inside Page
Showbiz News
Bilang isang anak, ano ang gagawin mo kung isang araw ay tuluyan nang nawala sa katinuan ang iyong ina?
Tampok ngayong Sabado sa "Pagdurusa ni Milagros" episode ng Wish Ko Lang ang kuwento ng isang ina na tuluyang nawala sa katinuan dala ng sunod-sunod na pagsubok sa buhay.
Isang mapagmahal na ina si Milagros (Andrea Del Rosario) sa kanyang dalawang anak na babae na sina Sarah (Lexi Gonzales) at Yumi (Chesca Salcedo). Kahit mahirap, wala siyang hindi kayang gawin masuportahan lamang ang pangangailangan ng kanyang pamilya.
Pero kahit na anong kayod sa buhay, hindi pa rin magawa ni Milagros na maiahon ang pamilya sa pagkakalubog sa utang. Hanggang isang araw, unti-unti nang nawala sa katinuan si Milagros. Umaabot na rin sa puntong nasasaktan niya ang sariling mga anak.
"Kapag nakikita namin 'yung magulang naming itinatali na parang aso, sobrang sakit. Ikaw ba naman magulang mo tinatali na parang aso," kuwento ni Yumi sa Wish Ko Lang.
Dagdag ni Sarah, "Para sa aming mga anak po, masakit pong masabihan 'yung nanay niyo na ganun po... na baliw po."
Huwag palampasin ang nakaaantig na kuwento ng pamilya ni Milagros ngayong Sabado, April 9, alas-4 ng hapon sa GMA.
Maaari ring mapanood ng mga Kapuso abroad ang Wish Ko Lang sa GMA Pinoy TV. Para sa program guide, bisitahin ang www.gmapinoytv.com.
Samantala, mas kilalanin pa si Sparkle artist Lexi Gonzales sa gallery na ito:
