Around GMA

Article Inside Page

Nagkwento ang Akusada lead stars na sina Benjamin Alves at Andrea Torres tungkol sa isa sa kanilang co-actors sa intense drama series.

Sa pagbisita nina Andrea at Benjamin sa Kapuso Artistambayan, inilahad nila na hanga sila sa acting skills ni Arnold Reyes.

“Hanga kami ni Ben [Benjamin Alves] kay Dennis, kay Arnold Reyes,” sabi ni Andrea.

Ayon naman kay Benjamin, “Si Dennis talaga, sobrang galing nun ni Arnold Reyes pero sobra siya kung kabahan bago mag-eksena. Napi-feel niya hindi niya magagawa 'tapos, napapanood n'yo naman na sobrang galing niya sa eksena.

"Before every scene, paiyak na siya na kinakabahan, parang mahihimatay na sa kaba pero kapag nakita na 'yung eksena… Ganon talaga siya.”

Pahabol pa niya tungkol kay Arnold, “Sobrang respeto niya sa ginagawa niya. Grabe ginagawa niya, one take lahat 'yun.”

Sina Andrea at Benjamin ay kilala sa Akusada bilang sina Carol at Wilfred, ang main love team sa serye.

Samantala, si Arnold naman ay ang gumaganap sa karaker ni Dennis, ang best friend ni Wilfred na kalaunan ay ipinakilala bilang kontrabida pala sa buhay ng huli.

Kabilang din sa cast ng serye sina Lianne Valentin, Ashley Sarmiento, Marco Masa, Ronnie Liang, Ahron Villena, Shyr Valdez, Jeniffer Maravilla, Jourdanne Baldonido, at marami pang iba.

Huwag palampasin ang finale episode ng 2025 intense drama series na Akusada.

Mapapanood ito ngayong Biyernes, October 31, 4:00 p.m. sa GMA Afternoon Prime at Kapuso Stream.

Maaari ring balikan at panoorin ang full episodes nito sa gmanetwork.com/Akusada.

Related gallery: On the set of Akusada