Around GMA

Article Inside Page

Tulad ni Benjamin Alves, all-out din ang pagsuporta ni Andrea Torres para kina Ashley Sarmiento at Marco Masa na housemates sa Pinoy Big Brother Celebrity Collab Edition 2.0.

Sa exclusive interview ng GMANetwork.com kay Andrea, inilahad niya na nakasubaybay siya sa bawat ganap nina Ashley at Marco sa teleserye ng totoong buhay.

Ayon pa sa kanya, masaya siyang maraming nakasuporta sa dalawa sa journey nila sa loob ng Bahay Ni Kuya.

“Nakakatuwa kasi ngayon pa lang ang dami nang nakaka-appreciate sa kanila,” pahayag ng Kapuso actress.

Mensahe naman si Andrea para kina Ashley at Marco, “Kayang-kaya n'yo 'yan guys [Ashley and Marco], hihintayin namin kayong dalawa, next year.”

“Sabi ko nga, sila ang aming big winner. Love na love namin sila,” pahabol pa niya.

Samantala, matatandaan na bago pumasok sa iconic house ni Big Brother, sina Ashley at Marco ay co-stars nina Andrea Torres at Benjamin Alves sa intense drama series na Akusada.

Mapapanood ang Pinoy Big Brother Celebrity Collab Edition 2.0 ng live sa GMA at Kapuso Stream tuwing weekdays, 9:40 p.m., Sabado, 6:25 p.m., at Linggo sa oras na 10:05 p.m..

Related gallery: Meet the 20 housemates of Pinoy Big Brother Celebrity Collab Edition 2.0