Around GMA

Article Inside Page

Napapanood na sa House of Lies ang rising Sparkle star na si Angel Cadao.

Related gallery: A touch of classic family charm at 'House of Lies' mediacon

Ayon kay Angel, nag-e-enjoy siya sa set ng kanyang bagong proyekto at ibinahagi niya ang tungkol dito sa exclusive interview ng GMANetwork.com sa kanya.

Dito ay inilarawan niya ang kanyang co-stars at mga bida sa intense drama na sina Beauty Gonzalez, Mike Tan, Martin del Rosario, at Kris Bernal.

Nabanggit niya na siya at ang iba pang young actors ay gina-guide at tinutulungan ng lead stars sa kanilang mga eksena.

Pahayag ni Angel, “It's really great working with them. Sobrang babait nila. They are guiding us as the younger ones, as young cast…”

“Gina-guide po nila kami and nag-e-enjoy kami with them,” pahabol pa niya.

Kilala siya rito bilang si Ashley, ang anak ni Thea, na karakter naman ni Kris Bernal.

Samantala, co-stars niya rin dito ang kanyang fellow Sparkle artists na sina Geo Mhanna at Kayla Davies.

Bago napabilang sa cast ng bagong drama series, napanood na si Angel sa My Father's Wife.

Subaybayan si Angel Cadao at ang istorya ng kanyang karakter sa House of Lies.

Mapapanood ang intense drama tuwing Lunes hanggang Biyernes, 3:20 p.m. sa GMA Afternoon Prime at Kapuso Stream.