Around GMA

Article Inside Page

“Kung kinakabahan ako, actually, mas-excited ako.”

Iyan ang naging pahayag ng aktres na si Angelica Panganiban bago sumailalim sa operasyon para sa kaniyang bone disease na avascular necrosis o "bone death."

Sa kanilang family vlog sa YouTube, ipinakita ni Angelica ang kaniyang naging journey bago ang operasyon at isang linggo matapos ito.

Caption niya sa post, “We feel a bit anxious about it but yeah through prayers from our families and friends nalagpasan namin! I'd also like to acknowledge my very good husband na grabe ang pag aalaga! Thanks hon, alam mo na yun.”

Pagpapatuloy niya, “First time na pareho kaming wala ni Gregg. We missed our Baby Amila.”

Noong July 5 nang magpunta si Angelica sa St. Luke's Medical center para magpaopera at ipinakita ang iba't ibang procedure na pinagdaanan niya bago isagawa ang procedure.

“Good morning it's now day 2 na nasa hospital ako marami-rami na akong nagawang lab test and scans, nag 2D echo na ako, ECG, para sa heart para lang ma-clear ako, na blood test na rin ako but may mga uulitin lang, so, naka-fasting ako,” sabi niya.

Inamin din niyang naiyak siya noong nakaraang gabi dahil first time nila ng kanyang asawang si Greg Homan na hindi makasama ang anak nilang si Amila, na kilala rin bilang si Bean.

“Kahit gaano kaganda 'yung ospital, kahit nasaan ka pa, basta ospital, nakaka-down pa rin siya ng pakiramdam.Nakaka-miss naman talaga 'yung anak mo dahil gabi-gabi mo siyang katabi tapos bigalng wala akong katabi,” sabi niya.

Patungkol naman sa kaniyang upcoming na operation, sabi ni Angelica, “Kung kinakabahan ako, actually mas-excited ako. Gustong-gusto ko na'to mangyari, gustong-gusto ko nang matapos 'yung nararamdaman kong pain, chronic pain, for the past two years. Looking forward.”

BALIKAN ANG CELEBRITIES NA MAY UNUSUAL NA MGA SAKIT SA GALLERY NA ITO:

Tumagal ang operasyon niya ng pitong oras at sa recovery room, inamin ng aktres na hinang-hina siya at sobrang sakit pa rin ng ginawang operasyon sa kaniya.

“Damang-dama ko pa 'yung maga ng legs ko, so medyo nakaka-praning na sana hindi niya (Amila) tamaan kapag na-excite siya sa akin kasi dito sa ospital medyo naiiwas pa namin, ewan ko lang sa bahay kung paano magiging sistema namin,” sabi ni Angelica.

Masakit man ang ginawang procedure sa kaniya, aminado naman si Angelica na sa wakas ay nakaramdam na siya ng ginhawa sa kaniyang balakang at sinabing “it's getting better everyday.”

“Low dosage na rin 'yung mga pain reliever na iniinom ko, oral na 'yung mga gamot na iniinom ko wala na 'yung mga medyo nakakahilong gamot. Hopefully maka-recover kaagad pero three weeks akong ibe- bedrest, so, tingnan natin,” pagtatapos niya.

Panoorin ang buong video ni Angelica dito: