Around GMA

Article Inside Page

Nakababahala ang Facebook post ng Daddy's Gurl actress na si Angelika dela Cruz, kung saan 'tila nakatanggap ito ng death threat.

Sa post nito kahapon, June 7, ipinakita ng aktres ang natanggap niyang sulat mula sa kapirasong papel at apat na bala na kalakip nito.

Kasalukuyang nagbabakasyon si Angelika sa bansang Thailand.

View this post on Instagram

A post shared by Angelika Dela Cruz 💜 (@angelikadelacruz)

Ayon sa kaniya na lubhang napakadumi ng pulitika sa bansa, “Napakadumi po talaga ng pulitika sa ating bansa .. yan po ang sulat at bala na pinadala sa XO ng aming Barangay na nagsasabi na may 4 daw na susunod at kaya may umiikot na 'di kilala sa bahay namin magkapatid.. grabe naman kayo kung sino man kayo na gumagawa nito sa amin.”

Grabe naman ang pag-aalala ng fans at followers ni Angelika na nagsisilbing Barangay Captain ng Longos, sa Malabon City.

Matatandaan na bago ang eleksyon noong Mayo 9, humarap sa miyembro ng press ang former Encantadia star na si Alfred Vargas at kapatid na si PM, para isiwalat na nakatanggap sila ng death threat.

Nanalo si PM bilang congressman ng 5th district ng Quezon City at magsisilbi naman city councilor ng Quezon City si Alfred matapos magwagi rin sa eleksyon.

Balikan ang ilang experience ng celebrities na nabiktima ng mga kriminal sa gallery na ito.