Anne Curtis on 'It's Showtime' airing on GMA: 'It's just surreal'
Around GMA
Around GMA
Wilma slightly accelerates, 27 areas under Signal No. 1 Torres game-winner saves Benilde, forces semis do-or-die versus SBUArticle Inside Page
Showbiz News
Labis ang pasasalamat ng 'It's Showtime' host na si Anne Curtis sa GMA Network dahil sa pagbibigay nito ng bagong tahanan sa kanilang programa.
Isang makasaysayang pangyayari sa telebisyon ang nasaksihan kamakailan dahil sa naganap na contract signing event ng It's Showtime at ng GMA.
Present sa naturang event ang top executives ng Kapuso at Kapamilya networks, pati ang hosts ng noontime variety show na sina Vice Ganda, Anne Curtis, Vhong Navarro, Jhong Hilario, Teddy Corpuz, Jugs Jugueta, Karylle, Ryan Bang, Kim Chiu, Ogie Alcasid, Amy Perez, Ion Perez, MC, Lassy, Darren Espanto, Jackie Gonzaga at Cianne Dominguez.
Sa panayam ng GMANetwork.com kay Anne, nagpapasalamat ang actress-host sa Kapuso network dahil sa oportunidad na ibinigay sa kanilang programa.
Nagulat at aniya'y “surreal” ang kanyang reaksyon nang malaman ang balitang mapapanood na sa GMA ang It's Showtime.
“Parang hindi ako makapaniwala na nangyayari ito. It's really making history. I mean, never in our wildest dreams would we have imagined 15 years ago when we started that in our 15th year, we would be here on GMA-7. It's just surreal.
“Never namin inakala talaga. But, we are again, as Vice [Ganda] said, so so grateful for being given this opportunity and being welcomed with wide open arms dito sa GMA. Maraming salamat, mga Kapuso,” pahayag niya.
Isa umano sa memorable moments ni Anne sa It's Showtime magmula nang umere ito sa GTV ay ang first episode ng programa noong July 1, 2023.
Aniya, “Ang [pinaka tumatak] siguro ngayon ay 'yung first episode namin sa GTV because that was the first time we shouted on-air 'What's up, Madlang Kapuso.'”
SAMANTALA, BALIKAN ANG NAGANAP NA CONTRACT SIGNING SA PAGITAN NG IT'S SHOWTIME AT GMA SA IBABA.
