Around GMA

Article Inside Page

Nakakataba raw ng puso para sa versatile actress na si Jo Berry ang tiwala na ibinibigay ng kanyang mother network sa mga sunod-sunod na project na kanyang natatanggap.

Sa idinaos na online media conference para sa fifth anniversary special ng Daig Kayo Ng Lola Ko last Tuesday, July 5, inilarawan pa ng entertainment writer na si Rommel Gonzales na maituturing 'little princess' ng Kapuso Network si Jo dahil hindi ito nababakante.

Ilan sa naging big projects ni Jo Berry ang Onanay (2018), The Gift (2019), at Little Princess (2022), kung saan nakasama niya sina Rodjun Cruz at Juancho Trivino.

Ayon sa magaling na aktres, thankful siya sa opportunities na ipinagkakaloob sa kanya ng GMA-7.

Sagot niya sa panayam kay Rommel, “Wow! Thankful po siyempre. Thankful ako kasi 'yung mga opportunity na ibinibigay sa akin ng GMA ay tuloy-tuloy.

“And lagi 'yung mga roles ko is kapupulutan ng aral, which is 'yun naman po ang gusto ko. So, very thankful po ako sa opportunity.”

Simula naman July 10, tampok si Jo Berry sa month-long anniversary special ng Daig Kayo Ng Lola Ko na “Bida Kontrabida,” kung saan gagampanan niya ang role bilang si Rumpelstiltskin.

Kuwento ni Jo sa kanyang role, “Ako po 'yung isa sa mga kontrabida from the fairytale book at ako po 'yung brains sa tatlong kontrabida na makikilala ni Princess. Ako po 'yung bossy dito.”

Bibida rin sa anniversary special sina Rufa Mae Quinto, Cai Cortez, at Andre Paras.

Sasamahan din sila nina Lime Aranya, Dentrix Ponce, Beverly Salviejo, at Ollie Espino.

Dapat abangan din ng Kapuso viewers ang special participation nina Glaiza De Castro, Rocco Nacino, Thea Tolentino, at Barbie Forteza, pati na rin ang special appearance ng showbiz legend na si Miss Gloria Romero para sa anniversary ng Daig Kayo Ng Lola Ko for the whole month of July!