Anthony Rosaldo hopes to leave a legacy in the music industry
Around GMA
Around GMA
OFW recalls experience saving child and old woman from HK residential fire Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
'Greatest dream ko is to leave like a legacy.' - Anthony Rosaldo
Limang taon na ang nakalilipas nang sumali at mapasama si Anthony Rosaldo sa Top 6 finalists ng first season ng original singing competition ng GMA na The Clash noong 2018.
Hindi maikakaila na nagbukas ng maraming oportunidad para kay Anthony ang pagsali niyang ito sa nasabing kompetisyon. Tulad na lamang ng pagpirma niya ng management contract sa GMA Artist Center na ngayon ay Sparkle at ang pagiging opisyal na recording artist ng GMA Music.
Sa ngayon, nakapaglabas na si Anthony ng tatlong single under GMA Music, ang "Larawan Mo," "Maghintay Ka Lamang," at "Pwedeng Tayo." Noong December 2021, napakinggan ang una niyang self-composed single under GMA Playlist, ang "Tama Na."
Patuloy rin ang pagkilalang natatanggap ng Kapuso Pop Rocker at ilan dito ay ang Breakthrough Artist of the Year mula sa World Class Philippines Council at Most Promising Male Recording Artist mula sa 51st Box Office Entertainment Awards.
Ayon kay Anthony, greatest dream niya ang makapag-iwan ng legacy sa music industry.
"Greatest dream ko is to leave like a legacy, na kung mayroon pang mga mangangarap na artists na sumikat, nandyan 'yung name ko, 'May kanta si Anthony, iyon ang kakantahin ko sa competition," pagbabahagi ni Anthony sa GMA Playlist.
Ngayong January 31, magaganap ang kauna-unahang major solo concert ni Anthony, ang "SWITCH: Anthony Rosaldo Live In Concert," na panibagong milestone sa kanyang career.
Sa "SWITCH" concert, ibabahagi ni Anthony ang naging "big switch" sa kanyang career noong 2023. Sabi niya, "There has been a big switch in my career. From TV, I went to do the biggest challenge of my career which is theater. I did a musical recently, 'yung Ang Huling El Bimbo The Musical.
"I want to show you guys kung ano 'yung naging progress sa skills ko and also aside from showing you guys the switch that I made, ipapakita ko rin siyempre 'yung genre talaga na sanay kayo sa akin. So, two sides of what I do, and, I love, of course, performing."
MAS KILALANIN SI ANTHONY ROSALDO SA GALLERY NA ITO:
