Around GMA

Article Inside Page

Masayang-masaya si Kapuso Pop Rocker Anthony Rosaldo dahil siya ang napili gaganap bilang batang Hector sa 2023 run ng hit Filipino musical na Ang Huling El Bimbo.

Hindi maitago ni Anthony ang kanyang kasiyahan dahil kahit noon pa man ay fan na siya ng nasabing musical, kung saan tampok ang mga kanta ng OPM rock band na Eraserheads.

"Fan po ako ng Ang Huling El Bimbo, napanood ko po 'yung online show nila nung nag-run po sila, I think, 2022. 'Tapos sabi ko, 'Parang bagay ako sa show na 'to,' pero wala pa akong idea how to be part of it [kasi] hindi sila naghahanap pa," saad ni Anthony matapos ang kanilang contract signing sa Sheraton Manila sa Newport World Resorts.

"This year, nag-open 'yung audition, sabi ko, I'll try. Nag-send ako ng videos, try lang kasi wala akong experience sa theatre, sa musical.

"Nagulat ako na they wanted me to audition nang face-to-face. So, I auditioned nung callbacks, and nung final callback, sabi nila, they want me to try to read 'yung lead role, which is 'yung young Hector.

"Nung nandoon ako sa final callback, parang everything was perfect. parang very positive 'yung nararamdaman kong vibe, 'yung energy.

"It felt right na I was there. Hindi ko naman sinasabi na para sa akin agad, pero naramdaman ko na mapupunta sa akin 'yung role."

Bukod kay Anthony, kabilang din sa cast ng 2023 run ng Ang Huling El Bimbo ang mga kilalang theater actors tulad nina Gian Magdangal, Gab Pangilinan, at Topper Fabregas, na muling gaganap bilang sina Hector, young Joy, at young Anthony.

Kasama rin sina Nino Alejandro bilang si Anthony, Bullet Dumas bilang si Emman, Paw Castillo bilang young Emman, at Katrine Sunga bilang Joy.

Mapapanood ang Ang Huling El Bimbo The Musical sa Newport Performing Arts Theatre. Magiging available ang tickets nito sa TicketWorld at SM Tickets: P3,776 (SVIP) P3,236 (VIP), P2,696 (GOLD), P1,942 (SILVER), and P1,079 (BRONZE).

Congratulations, Kapuso!

SAMANTALA, MAS KILALANIN PA SI ANTHONY SA MGA LARAWANG ITO: