Around GMA

Article Inside Page

Hindi maganda ang naging karanasan ni Kapuso Pop Rocker Anthony Rosaldo dahil kinailangan niyang pumunta ng ospital dahil sa overfatigue.

Sa Instagram, ikinuwento ni Anthony kung bakit hindi siya nakapunta sa dalawang show ng all-Filipino musical na Ang Huling El Bimbo kung saan ginagampanan niya ang karakter na Young Hector.

"Pumasok ako for the show, felt sick, went to the hospital and after missing 2 shows, I was finally ready to perform for our 150th show," kuwento ni Anthony sa Instagram.

Dahil sa nangyari sa kanya, naging leksyon ito kay Anthony upang seryosohin ang pagpapahinga at hindi lang puro trabaho.

"While experiencing the fatigue, I actually still wanted to push myself to work, pero ganun pala 'yun 'no? Kapag katawan mo na ang umaayaw, hindi mo na din talaga maipipilit.

"You have to listen to your body. You have to stop. Kasi kung hindi, something worse might happen."

'Dahil sa nangyari madami din akong na realize. Syempre una na jan, wag laban lang nang laban. Magpahinga. Health is wealth nga diba?"

Nagpasalamat naman si Anthony sa kanyang mga katrabaho sa Ang Huling El Bimbo dahil kahit kailan ay hindi siya nito pinabayaan.

"I felt really sad when we decided na hindi muna ako magpeperform, kasi unang pumasok sa isip ko baka I failed everyone. Pero hindi, hindi pala. Lahat sila concerned sa akin.

"I'm lucky I have a family in them. Inisip nila safety ko. They wanted me to be well. Big thanks to my co-actors and my company heads! Love ko kayo!"

View this post on Instagram

A post shared by Anthony Rosaldo (@theanthonyrosaldo)

Mapapanood pa rin ang Ang Huling El Bimbo sa Newport Performing Arts Theatre sa Pasay City.

SAMANTALA, MAS KILALANIN PA SI ANTHONY SA MGA LARAWANG ITO: