Asawa ni Glaiza de Castro na si David Rainey, natututo nang mag-Tagalog
Around GMA
Around GMA
Suansing urges Senate to resume bicam on 2026 budget as soon as possible PBBM vows completion of San Juanico Bridge rehab by 2026Article Inside Page
Showbiz News
Natututo nang mag-Tagalog ang asawa ni Glaiza de Castro na si David Rainey dahil sa pagbisita nito sa trabaho ng misis.
Kasama ni Kapuso actress Glaiza de Castro ang kanyang asawang si David Rainey sa Mega Ball: Fashion + Dance.
Isang beaded gown ang suot ni Glaiza, habang isang eleganteng black suit naman ang outfit ni David.
Masaya daw si Glaiza na unit-unti nang nae-experience ni David ang trabaho niya bilang artista sa Pilipinas.
"Nakapunta na siya sa set ng Sang'gre, sa set ng Stars on the Floor. At least, it's nice for him to see what I'm doing," bahagi ni Glaiza.
Bagong experience daw para kay David na makita first hand ang trabaho ni Glaiza.
Dahil din sa exposure niya sa set, natututo na ring magsalita ng Tagalog si David na mula sa Northern Ireland.
"Very interesting sa set. For me, it's very different but masaya. She's very hardworking," lahad ni David.
Naghahanda na rin Glaiza para sa premiere ng much-awaited telefantasya na Encantadia Chronicles: Sang'gre, na mapapanood na bukas, June 16.
Isa daw si David sa mga nag-aabang sa serye matapos makita kung gaano kalaking effort ang ibinigay dito ni Glaiza.
"Yes! Wala pang subtitles?" tanong niya.
"Ita-translate ko na lang po. Huwag kayong mag-alala," pagsalo ni Glaiza sa mister.
Bukod kina Glaiza at David, spotted din sa Mega Ball: Fashion + Dance sina Jillian Ward, Sofia Pablo, Allen Ansay, Gil Cuerva, Lexi Gonzales, Vina Morales, Ashley Ortega, Cassy Legaspi, Skye Chua, Caitlyn Stave, Gazini Ganados, Kim Perez, at marami pang iba.
SILIPIN ANG MGA KAPUSO STARS SA MEGA BALL 2025 DITO:
Panoorin din ang buong ulat ni Aubrey Carampel para sa 24 Oras dito:
