Around GMA

Article Inside Page

Proud na proud si Ashley Ortega sa lahat ng blessings na dumarating ngayon sa best friend na si Shuvee Etrata.

Sa interview sa vlog ni Vice Ganda, ipinarating ni Ashley kay Shuvee na "madali siyang mahalin." Ito ay matapos na ma-realize ni Shuvee na "kamahal-mahal" siya sa kabila ng mabibigat na family issues na pinagdaanan.

"Sobrang easy rin kasi mahalin si Shuvee, as in, kaya ko rin siya naging kaibigan agad-agad kasi magaan 'yung loob ko sa kanya na parang napaka-genuine niyang tao," sabi ni Ashley.

"At saka masayahing siyang tao. I wanna surround myself with people who are happy all the time despite sa pinagdadaanan namin. Si Shuvee rin nakatulong sa akin nu'n," dagdag niya.

Ipinarating din ni Ashley na "deserve" ni Shuvee ang lahat ng blessings na dumarating sa kanya ngayon.

"Sobrang proud talaga ako sa 'yo babe. Deserve niya po talaga lahat ng blessings kasi sobrang selfless niyang tao. Lagi niyang inuuna ang ibang tao.

"Kaya lagi rin akong naroon to guide her. Seeing her shine talaga 'yun 'yung gusto kong mangyari sa kanya ever since.

"And, 'yun nga sabi niya, 'She looks up to me' tapos sabi niya hindi raw siya makaka-survive sa Manila without me, actually hindi 'yon totoo babe. You can survive on your own. Tingnan mo nga, I mean, what do you have right now it's your own doing.

"Sobrang happy lang talaga ako sa lahat ng na-achieve. And, I'm happy na kahit mawala na ako sa tabi mo kayang-kaya mo na on your own," naluluhang sabi ni Ashley kay Shuvee.

Ani Vice sa pagkakaroon ni Shuvee ng kaibigan na tulad ni Ashley, "You are very blessed to have a friend who is not jealous of you."

TINGNAN ANG MAGANDANG FRIENDSHIP NINA ASHLEY ORTEGA AT SHUVEE ETRATA SA GALLERY NA ITO: