Around GMA

Article Inside Page

Bibida ang Sparkle star na si Ashley Ortega bilang Angel sa upcoming GMA drama series na Apoy Sa Dugo kasama sina Elle Villanueva at Derrick Monasterio.

Sa "Chika Minute" report ni Aubrey Carampel sa 24 Oras, labis ang paghahanda ni Ashley para sa kanyang role na very challenging daw dahil mayroon itong mental disorder.

"Kumausap din kami ng mga writers, ng psychiatrists, para malaman namin kung ano'ng klaseng disorder na meron siya, para accurate pa rin. Kasi siyempre, if you talk about mental health, medyo sensitive 'yon lalo na sa mga taong merong gano'n talaga," pagbabahagi niya.

Bago ito, mapapanood ang role ni Ashley bilang Angel sa GMA Afternoon Prime series na Hating Kapatid, kung saan nakatrabaho niya ang real-life boyfriend na si Mavy Legaspi.

Ayon sa former Pinoy Big Brother Celebrity Collab Edition housemate, magkahalong kaba at awkwardness ang naramdaman niya noong una nang maka-eskena ang kanyang nobyo.

Kwento niya, "Una, may kaunting awkwardness tapos medyo kinabahan din ako kasi first time naming magka-work. Pero habang tumatagal naman, nagiging okay na. And of course, working with someone you love, it makes you feel like home."

Samantala, kabilang din sa cast ng Apoy Sa Dugo sina Thea Tolentino, Pinky Amador, Ricardo Cepeda, Cai Cortez, at content creator na si Fonz.

Panoorin ang "Chika Minute" report sa video sa ibaba.