Around GMA

Article Inside Page

Sino kaya sa dalawang team ang mag-uuwi ng championship belt?

Ngayong Sabado (May 21), maglalaban ang Team Ate Gay at Boobay versus Team Moymoy Palaboy sa Lip Sync Battle Philippines! Nakapanayam ng 24 Oras ang mga kalahok upang malaman ang mga bagay na dapat nating abangan.

Ayon kay Boobay, kakaibang Ate Gay daw ang ating mapapanood.

Aniya, "Ibang Ate Gay ang makikita niyo sa Lip Sync Battle. Talagang mapapa-wow kayo."

Espesyal din daw ang gagawin ni Ate Gay sapagkat comeback performance niya ito sa telebisyon. May iniwan din siyang mensahe para sa kanilang makakatunggali. 

"Dapat kabahan si Moymoy Palaboy dahil nag-sanib puwersa na kami," ani Ate Gay

Ang magkapatid na sina James at Rodfil Obeso o mas kilala bilang Moymoy Palaboy ay unang sumikat dahil sa mga lip sync videos na ina-upload nila sa YouTube. Makakatulong kaya ito upang mapanalunan nila ang Lip Sync Battle Philippines championship belt?

Ayon kay James. "Feel na feel namin 'to, seryoso kami [at] ginawa namin ang lahat para makuha namin 'yung 200 percent performance level."

At gaya ni Ate Gay, may mensahe din si James, "Good luck na lang, hinahamon niyo kami? Sige pagbibigyan namin kayo. Ayaw na naming lumaban 'eh pero pinipilit niyo kami so walang sisihan ha?"

Panoorin ang buong ulat ni Cata Tibayan:

 
MORE ON LIP SYNC BATTLE PHILIPPINES:

Moymoy Palaboy (Pre-show interview) | Lip Sync Battle Philippines

Boobay and Ate Gay (Pre-show interview) | Lip Sync Battle Philippines

Keempee De Leon performs Lani Misalucha's 'Queen of the Night' (Cover) | Lip Sync Battle Philippines