Award-winning film na 'Broken Blooms,' tampok sa I Heart Movies
Around GMA
Around GMA
Ashfall affects 5 barangays in Negros Occ Basilan ferry sinking death toll now 58; 21 still missing — PCG 'Makiling', mapanonood na sa GTV simula ngayong Lunes!Article Inside Page
Showbiz News
Kabilang ang award-winning film na 'Broken Blooms' sa mga pelikulang mapapanood sa I Heart Movies ngayong linggo.
Isang award-winning film ang hatid ng digital channel na I Heart Movies ngayong linggo.
Huwag palampasin ang Broken Blooms mula sa award-winning director na si Louie Ignacio.
Star-studded ang cast ng pelikula kabilang sina Jeric Gonzales, Therese Malvar, Royce Cabrera, Norman "Boobay" Balbuena, Lou Veloso, at late veteran actress Jaclyn Jose.
Kuwento ito ng bagong kasal na young couple na susubukin ng kahirapan at pandemya.
Umani ito ng iba't ibang parangal internationally at locally, kabilang ang Gold Remi Award for Best Dramatic Feature Film sa 2022 WorldFest Houston, Special Jury Award sa 2022 Brasilia International Film Festival, Indie Movie of the Year sa 2024 Star Awards, at marami pang iba.
Kinilala rin ang lead stars nitong sina Jeric at Therese bilang Best Actor at Best Actress, habang Best Supporting Actor at Best Supporting Actress naman sina Boobay at Jaclyn sa Full-length Fiction category sa 2022 Saskatchewan International Film Festival.
Hinirang din bilang Best Director si Louie Ignacio sa kategoryang Full-length Fiction sa parehong parangal.
Abangan ang Broken Blooms, February 18, 8:00 p.m. sa Pinoy Movie Date.
Para naman sa mahilig sa scary movies, nariyan ang Huwag Kang Lalabas, horror anthology na mula kay award-winning director Adolf Alix Jr.
Inspired ng mga lockdown noong COVID-19 pandemic, iikot ang tatlong magkakaibang kuwento sa mga lugar kung saan hindi maaring basta-basta lumabas ang mga tao.
Kabilang sa star-studded cast nito sina Aiko Melendez, Beauty Gonzalez, at Kim Chiu.
Abangan ang Huwag Kang Lalabas, February 20, 8:00 p.m. sa Pinoy Movie Date.
Mapapanood ang I Heart Movies sa channel 5 ng digital TV receiver na GMA Affordabox at GMA Now. Available rin ito sa iba pang digital television receivers.
