Around GMA

Article Inside Page

Muling mapapanood sa Wish Ko Lang ngayong Sabado ang episodes nitong "Away-Bata" at "Nanay Na Binugbog!"

Tampok sa "Wish Ko Lang: Away-Bata" ang kuwento ng away ng mga bata na nauwi sa malaking alitan ng mga nakatatanda. Pinagbidahan ito nina Lauren Young, na gumanap bilang Janice, at Sunshine Garcia, na binigyang-buhay naman ang misis na si Virna.

Ayaw ni Virna na nakikipaglaro ang anak na si Wilbert (Raphael Landicho) sa mga anak ni Janice na sina Ronnie (Euwenn Aleta) at Jenjen (Arhia Faye). Minsan na ring nasaktan ni Virna ang dalawang anak ni Janice nang mapaaway ang anak na si Wilbert sa mga ito, na nagpalaki ng alitan ng dalawang nakatatanda.

Samantala, ang "Wish Ko Lang: Nanay Na Binugbog!" naman ay tungkol sa kuwento ng misis na si Nancy na nanganib ang buhay matapos na pagtulungang bugbugin ng mga menor de edad.

Binigyang-buhay ni Lotlot de Leon ang kuwento ni Nancy at nakasama niya rin sa episode na ito sina Marcus Madrigal, Gilleth Sandico, Elijah Alejo, Isabel Nesreen Frial, Levince Sotto, CX Navarro, Migo Valid, at Turing.

Huwag palampasin ang "Away-Bata" at "Nanay Na Binugbog!" episodes ng Wish Ko Lang ngayong Sabado, July 15, alas-4 ng hapon sa GMA.

Maaari ring mapanood ng mga Kapuso abroad ang Wish Ko Lang sa GMA Pinoy TV. Para sa karagdagang impormasyon, bisitahin ang www.gmapinoytv.com.

MAS KILALANIN SI LAUREN YOUNG SA GALLERY NA ITO: