Article Inside Page
Showbiz News
Maghaharap sina BABY GAGA at LOLA MADONNA sa kanilang mash-up ng ‘BORN THIS WAY’ at ‘EXPRESS YOURSELF’.
Maghaharap sina BABY GAGA at LOLA MADONNA sa kanilang mash-up ng ‘BORN THIS WAY’ at ‘EXPRESS YOURSELF’. Ang pasikatan sa pagkanta ay mauuwi sa dance showdown matapos nilang itanong ang opinyon ng bayan pagdating sa pagpaparetoke, diet at mga nagmumurang kamatis!
Makakakasama rin natin ang newest Kapuso leading lady na si SARAH LAHBATI pero ang mag-iinterview sa kanya ay ang mother and daughter tandem na si TITA MAMABELLE RAMA at LOOFAH G. Maglalaro rin sila ng ‘LET’S PLAY WITH BALLS.!’ Abangan kung ano ang kahihinatnan ng kuwelang pagtatagpo ng tatlo!
Hahandugan naman tayo ng kanta ni MARK BAUTISTA. Pero matapos kumanta ng ‘TONIGHT’, tila hindi siya pinalampas ng atrebidang mga hurado na sina SIMON TOWEL at si GEL-O dahil ni-rate ang pag-awit niya at ibinuking pa ang mga photo tweets ng Pop Hearthrob!
Makikita na rin natin ang kinalolokohang ‘OMG! HOME EXERCISES’ kasama ang mga Kapuso stars na pumasok sa FHM’s Sexiest 2012 list na sina SAM PINTO, ELLEN ADARNA, GWENDOLYN RUAIS at BELLA PADILLA.
May pabaon pang kanta ang comic partners dahil sila ay feeling ‘YOUNG, WILD & FREE!’
Samahan sina PARENG BITOY at PARENG OGIE sa ‘PARE & PARE’ ngayong Linggo ng gabi sa GMA Sunday Grande, pagkatapos ng ‘Pinoy Adventures’.
