Around GMA

Article Inside Page

Kasuklam-suklam ang sinapit ng isang lola na nagngangalang Aling Gloria nang siya ay pinagsamantalahan ng lalaking itinuring niyang parang sariling anak. Ito ang kuwentong tampok. ngayong Sabado sa bagong Wish Ko Lang.

Si Luis Manansala bilang Aling Gloria sa “Inabuso” episode ng bagong Wish Ko Lang / Source: Wish Ko Lang

“Inabuso” ang pamagat ng nasabing episode at ang beteranang aktres na si Lui Manansala na kasama rin sa cast ng 'The Lost Recipe,' ang gaganap bilang Aling Gloria.

Bago ang kahindik-hindik na nangyari kay Aling Gloria, kasama niyang nakatira sa iisang bahay ang anak nitong si Jun na gagampanan ng Kapuso actor at 'Unang Hirit' host na si Juancho Triviño. Ngunit magbabago ang lahat ng mag-asawa na ang anak nitong si Jun.

Sa edad na 25, nagpakasal na si Jun sa kanyang asawa na si Irene na gagampanan ni Kapuso actress Kim Rodriguez.

Juancho Triviño and Kim Rodriguez bilang Jun at Irene / Source: Wish Ko Lang

Titira ang mag-asawa sa iisang bahay kasama ng nanay ni Jun na si Aling Gloria.

Sa kasamaang-palad, magiging madalas ang pagtatalo ni Aling Gloria at asawa ni Jun na si Irene. Ito ang magtutulak kay Aling Gloria na umalis na lamang doon at manirahan mag-isa sa may bukid.

Nang magsimula nang mamuhay mag-isa si Gloria, doon naman niya nakilala ang 30 anyos na lalaking si Badong na gagampanan ng aktor na si Ervic Vijandre.

Sa simula ay tila mabait naman at maayos ang pakikitungo ng binatang si Badong kay Aling Gloria.

Ngunit tila natunugan na ni Aling Gloria na may kakaiba kay Badong ng minsan niyang inusisa kung bakit 30 anyos na ito pero hindi pa rin nag-aasawa.

Ang naging tugon ni Badong sa kanya ay, “Ang tipo ko ho talaga ay 'yung medyo matured.”

Ervic Vijandre bilang Badong / Source: Wish Ko Lang

Isang gabi ay bigla na lamang dumating si Badong sa tinutuluyan ni Aling Gloria sa bukid at halatang lango ito sa alak.

Tinanong ni Aling Gloria kung bakit siya napadpad doon at sumagot ito ng, “E 'di dinadalaw ka.”

At noong gabi ngang 'yon ay naganap na ang pinangangambahan ni Aling Gloria. Hinalay siya ni Badong na itinuring pa man din niyang parang anak.

Ano kaya ang mangyayari kay Aling Gloria matapos ang paglapastangan sa kanya ni Badong? Magsisi kaya ang kanyang anak na si Jun at ang asawa nitong si Irene na hinayaan nila siyang manirahan mag-isa sa bukid?

Paano kaya matutulungan ng Fairy Godmother ng Bayan na si Vicky Morales ang pamilyang ito na makabangon at malimutan ang bangungot na nangyaring ito sa kanilang buhay?

Alamin ang mga kasagutan ngayong Sabado sa bagong Wish Ko Lang, alas-4 ng hapon sa GMA-7.

RELATED CONTENT:

Vicky Morales grateful for warm reception to all-new 'Wish Ko Lang' episodesLINK: