Around GMA

Duchess Meghan tries to contact estranged father after amputation reports
Dawn Zulueta opens up on navigating menopause with grace and confidence
Torres game-winner saves Benilde, forces semis do-or-die versus SBU 

Article Inside Page

Showbiz News

Labis ang pasasalamat ni Maureen Larrazabal sa GMA-7, dahil binigyan siya ng kanyang home network ng trabaho kahit nabulag siya noon. “To them tinulungan lang nila ako. Pero para sa akin savior ko sila,” sabi pa niya.

Malalim ang dahilan kung bakit nanatiling loyal sa GMA-7 ang Kapuso comedienne na si Maureen Larrazabal.

Ngayong Huwebes ng hapon (October 7), masayang ibinalita ng Bubble Gang comedienne na nag-renew uli siya ng contract with GMA Artist Center - kung saan 15 years nang Kapuso ang versatile actress.

Sa panayam ni Maureen with Aubrey Carampel sa media conference niya with the GMA-7 press people, ibinahagi ng aktres ang ginawa ng network sa kanya ng nagkaroon siya ng health problem at nabulag for two years.

Grateful si Mau sa pag-alalay at pagmamahal sa kanya ng Kapuso Network, hanggang manumbalik ang kanyang paningin matapos makatanggap siya ng cornea from a donor.

Pagbabalik-tanaw ng comedienne, “The reason why I'm truly grateful, there was a time in my life na nabulag ako for two years and they did not give up on me. I was given a show, I think If I'm not mistaken Kool Ka Lang 'yun or Lagot Ka, Isususmbong Kita, where ginawa ko pa rin siya, tuloy-tuloy ako part ng show, even if inalalayan lang ako, nire-read nila 'yung script ko inulit-ulit lang nila sa akin para ma-memorize ko. So, 'yung time na nabulag ako at wala ako nakikita, they were there for me. Hindi nila ako ni-let go.”

Kahit nagkaroon din ng offer ang kabilang network na lumipat, mas nanaig ang tibay ng relasyon na nabuo niya bilang Kapuso kaya mas pinili niya mag-stay sa Kapuso Network.

Kuwento ni Maureen naman sa GMANetwork.com, “Actually, I was offered twice already and there was a time na kinakausap 'yung handler ko to give me a copy of my contract, kasi usually 'yun 'yung unang ginagawa, e, you review your contract. Check kung ano ang mga loopholes na puwede or kung matatapos na ba and everything, so that you can transfer.”

“And I have somebody na very close to me from the other network, too. So, sinasabi nila sa akin 'you go back.' Kasi I started with ABS-CBN. But, I'm the type of person, who's really very grateful - importante sa akin ang loyalty. Importante rin sa akin 'yung mga tao na tinulungan ako ng walang kapalit, hindi man lang sila nag-isip, during that time na kailangan ko rin talaga sila,” dagdag niya.

Isinalarawan pa ng Kapuso actress na isang “savior” ang home network na tila binigyan siya ng “second life” sa kabila ng matinding problema na kinakaharap niya noon.

Aniya, “They placed me, nilagay ako sa isang show nila, pinagtrabaho nila ako. To them binigyan nila ako ng work, but to me they gave me life, kasi importante magawa nila sa akin 'yun dahil nung time na 'yun bulag ako. During that time na napaka-down ko, to them tinulungan lang nila ako. Pero para sa akin savior ko sila.”

“Pero ang GMA, hindi nila ako binitawan - ni hindi nila kinausap about it, wala, basta binigyan pa rin nila ako ng work. So, importante sa akin ang gratitude, importante sa akin ang loyalty. Importante sa akin 'yung mga taong tumutulong sa akin sa mga panahon na wala ako,” kuwento pa ni Mau.

Heto pa ang ilang female celebrities tulad ni Maureen Larrazabal na proud graduates of Bubble Gang sa gallery na ito.