Around GMA

Article Inside Page

Inilahad ni Zeinab Harake kung paano niya napagdesisyunang ampunin ang panganay niyang anak na si Lucas.

Si Lucas ang adopted 5-year-old son ng Pinay vlogger. Ayon kay Zeinab, nagdesisyon siyang ampunin si Lucas nang may nanghingi ng tulong sa kanyang ina.

Ibinahagi ito ni Zeinab sa YouTube channel ni Karen Davila. Ani Zeinab, "Noong time na 'yun, tingin ko may savings naman ako. Tapos noong inalok 'yung batang 'yun sa akin... nanghihingi ng tulong kasi hindi kayang buhayin... 'Yung mom ko mayroon siyang naging friend na nagtitinda ng banana cue tapos doon inilapit 'yung bata. Yung matanda na 'yun inalok sa amin."

Ayon pa kay Zeinab, may sakit noon si Lucas.

"Sakto noon may sakit si Lucas, sa dugo, sa blood po. Five days old siya noon tapos ako pa talaga yung nagpapaaraw sa kanya. Noong nakita ko 'yung batang 'yun wala lang parang kinatok ako ni Lord."

PHOTO SOURCE: @zebbiana

Eighteen years old pa lamang si Zeinab noong inampon niya si Lucas.

Kuwento niya sa interview, "Wala pa naman sa plano ko that time, wala akong boyfriend, wala akong experience sa live-in partner, walang gano'n. Walang anything. Noong nakita ko lang 'yung bata parang destiny na sa akin ito mapunta, hindi lang to help but also to love him unconditionally."

Inamin rin ni Zeinab ang kanilang set-up sa pag-adopt kay Lucas.

"Yung set-up namin kay Lucas lalo na 'yung sa adoption is 'yung mom ko. Pero sinasabi ko sa mommy ko na ayusin 'yung papers kasi gusto ko sa akin. Ayoko lang mafeel nung bata na kapag dumating 'yung time na matanda na 'yung mama ko na bakit ganito 'yung mama ko ganito, ganyan."

Dugtong pa ni Zeinab, "Ayoko ng questions, magiging open ako sa kanya pero gusto ko iparamdam sa kanya na ito 'yung mommy mo at makakasabay mong lumaki pero meron siyang nanay, mommy, and mama. Si mama niya si Rana, nanay si mama ko, at mommy ay ako. So ang daming nanay."

SAMANTALA, TINGNAN ANG ANAK NG MGA PINOY VLOGGERS DITO: