Richard Yap, pinagkatiwalaan ang 'Magpakailanman' para sa kanyang love story
Around GMA
Around GMA
Mark Lee to leave NCT and SM Entertainment 8 in 10 Filipinos choose domestic travel for Holy Week 2026 Man who complained of small pay steals P157K from store; arrestedArticle Inside Page
Showbiz News
"We were asked if we wanted to share our story. Noong una, ayaw namin pero na-convince din kami in the end." - Richard Yap on his 'Magpakailanman' episode
Love story ni Richard Yap ang tampok sa real-life drama anthology na Magpakailanman ngayong parating na Sabado.
Si Pambansang Ginoo David Licauco ang magbibigay-buhay sa kuwento ni Richard.
Makakasama niya sa episode si Shaira Diaz na gaganap bilang asawa ni Richard na si Melody.
Ikinasal sina Richard at Melody sa isang civil ceremony noong 1993 at sa isang church wedding naman noong 1995. Nabiyayayan naman sila ng dalawang anak.
Pero hindi naging madali ang pagsisimula ng relasyon nilang dalawa.
Hindi kasi pabor ang ama ni Richard na si Alfredo, na gaganapan ni Ricardo Cepeda, sa relasyon ng dalawa.
Nais niyang Chinese din ang mapangasawa ni Richard imbis na ang Filipina na si Melody.
Paano ipaglalaban ni Richard ang pagmamahal niya kay Melody?
"We were asked if we wanted to share our story. Noong una, ayaw namin pero na-convince din kami in the end. Sabi nila kasi it might be inspiring for others to hear about it," pahayag ni Richard sa isang eksklusibong panayam ng GMANetwork.com.
"Baka nga makatulong kami sa mga ibang couples who are in the same boat," dagdag niya.
Sinigurado din naman daw ng produksiyon na i-involve sila ni Melody habang inihahanda ang episode.
"We were very involved in the story itself and how it was going to be written. We did a lot of meetings with the writers and all that. They told us who was going to play our part," kuwento ni Richard.
Confident naman daw siya na kayang bigyang hustisya ng programa ang kanilang kuwento.
"In terms of the production itself, wala naman kaming ibang [involvement]. We knew that we were in good hands with the writers and all the production staff," aniya.
Huwag palampasin ang "Gua Ai Di: The Richard and Melody Yap Love Story," February 28, 9:15 pm sa Magpakailanman.
Naka-livestream din nang sabay ang episode sa GMA Play, ang official streaming app ng GMA Network.
I-download ang GMA Play sa Apple App Store at Google Play.
Available din ito sa GMANetwork.com/GMAPlay at sa mga Android TV.
Samantala, silipin ang ilang eksena mula sa episode sa gallery na ito:
