Around GMA

Article Inside Page

Sa gitna ng pagiging busy sa trabaho, naglaan ng pamper day ang Kapuso Primetime Princess na si Barbie Forteza para maghanda sa much-awaited event ng taon, ang GMA Gala 2023.

Sa “Chika Minute” report ni Aubrey Carampel kay Barbie kamakailan, ibinahagi ng aktres ang kanyang realization tungkol sa nasabing event.

“This year, I'm quite more prepared and I know what to expect more or less what's gonna happen sa Gala. Out of everything ang na-realize ko, all the artists from GMA ay magsasama-sama for a good cause,” pagbabahagi niya.

Sa Instagram post ng Sparkle GMA Artist Center, ang talent management arm ng Kapuso network, makikita ang larawan ni Barbie na looking fresh at glowing habang nasa isang dermatology and wellness clinic.

Tingnan ang post na ito sa Instagram

Isang post na ibinahagi ni Sparkle GMA Artist Center (@sparklegmaartistcenter)

Bukod sa Sparkle at Kapuso stars, dadalo rin sa GMA Gala 2023 ang non-GMA artists at iba pang media partners. Ito ang ibinahagi ni GMA Network Senior Vice President Atty. Annette Gonzon-Valdes sa panayam sa kanya ni Nelson Canlas ng 24 Oras.

“It might be the event of the year kasi nandiyan of course ang ating artists pero invited din ang lahat ng partners natin, those na naka-collaborate natin.

“So pati 'yung mga artists that we worked with na not from GMA will also be there, so we're very excited,” aniya.

Bukod sa pagsasama-sama ng mga artista sa showbiz kasama ang Sparkle at Kapuso artists, at media partners, ang GMA Gala ay magsisilbing fundraising event.

Abangan ang iba pang updates tungkol sa GMA Gala 2023 sa lahat ng social media accounts ng GMA o bisitahin ang GMANetwork.com.

SAMANTALA,SILIPIN ANG SEXIEST LOOKS NI BARBIE FORTEZA SA GALLERY NA ITO.