Around GMA

Article Inside Page

"Yes" ang naging sagot ni Saving Cherry actress Barbie Forteza nang tanungin kung siya nga ba ay officially single.

Sa pagbisita niya sa Fast Talk with Boy Abunda noong Biyernes (August 28), binawi ni Barbie ang naunang pahayag tungkol sa "date-to-marry" sa naganap na media conference ng Saving Cherry to "date when I'm sure."

"I said that in an interview before having been schooled by a lot of our very respectable lawyers out there with regards to marriage. And now maybe I would like to take that back because I'm not open to marrying anytime soon, even if I fall in love. So baka, date when I'm sure na lang," natatawang sabi ng aktres.

Napag-usapan din nina King of Talk Boy Abunda at Barbie ang naging pabirong pahayag ng aktres noon tungkol sa kagustuhang maikasal sa Las Vegas para may divorce.

"You talked also about Las Vegas, I think. Medyo nabitawan mo 'yung salita na 'yon and then Attorney Joji Alonso, I think, came out with a post to explain," sabi ni Boy Abunda. "We all learned. Lahat tayo natuto."

Sinang-ayunan naman ito ni Barbie at sinabing, "Actually, pati po nanay ko sabi, 'Talaga ba ganu'n? Hindi ko alam.'

"And, I feel like also a lot of people did not know that because I thought all along if you get married somewhere na it's legal, it's legal everywhere. I guess, I just don't see the point of it."

Dagdag naman ni Boy Abunda, "Ako naman, naiintindihan ko 'yon dahil for many decades 'pag sinabi mong easy marriage, 'Bakit hindi ka na lang magpakasal sa Las Vegas?' na para bang ang implied message ay 'pag nagpakasal ka do'n ang dali, puwede kayong mag-divorce kinabukasan. And, marami tayong mga pelikulang napanood, nagpapakasal ngayong araw, bukas nagdi-divorce sa Amerika. Ngayon natututo tayo na 'pag ikaw pala ay Pilipino tapos pareho kayong Pilipino, nagpakasal kayo sa Las Vegas, valid 'yong marriage n'yo."

Pagpapatuloy ng aktres, "At, if I'm not mistaken, 'pag nag-divorce kayo do'n, do'n lang kayo divorce, but when you come home here to the Philippines, the law does not recognize the divorce."

Ani pa Tito Boy, "Samantala naman, 'pag halimbawa ang pinakasalan mo ay foreigner, kailangan 'pag nag-divorce, kailangan pumunta rito sa Pilipinas at i-recognize ng Philippine courts 'yung divorce para maging valid dito. Recently ko lang 'yan nalaman din. I didn't know."

"'Di po ba, ako rin, so thank you," pagpapasalamat ni Barbie.

Tinanong naman ni Boy Abunda ang aktres, "Are you dating a foreigner?"

Natatawang sagot ni Barbie, "Wala. Pero hindi masama, Tito Boy."

Sa "Fast Talk," tinanong din si Barbie kung showbiz o non-showbiz ang next boyfriend.

"Foreigner," masayang sagot ng aktres. "I love it. Nagma-manifest."

Samantala, abangan si Barbie bilang Cherry sa comedy film na Saving Cherry, na mapapanood na sa mga sinehan nationwide simula September 2.

Panoorin ang buong interview ni Barbie Forteza sa Fast Talk with Boy Abunda dito:

Related gallery: The acting range of Barbie Forteza