Around GMA

Article Inside Page

Hindi napigilan ni Barbie Forteza na matuwa para sa kaniyang on-screen partner na si David Licauco sa bago niyang milestone.

Ayon sa report ni Lhar Santiago sa 24 Oras nitong Miyerkules, May 7, sobrang proud si Barbie sa pagpasok ni David sa Pinoy Big Brother Celebrity Collab Edition (PBB) bilang isang houseguest.

“I'm just really really proud of him. Ako, to be honest, parang wala akong ganoong level na lakas ng loob para pumasok sa loob ng Bahay ni Kuya," sabi ng aktres.

Ikinuwento ng Kapuso Primetime Princess na talagang gusto ni David na pumasok sa loob ng Bahay ni Kuya para makilala ang mga housemates.

Nabanggit din ni Barbie na swak ang pagpasok nito sa PBB dahil sigurado siyang makakatulong ang Pambansang Ginoo sa mga housemates.

"Si David kasi yung tipo ng tao na marami ka din talagang makukuha sa kanya in terms of outlook sa buhay," paliwanag ni Barbie.

Samantala, sa darating na Linggo, lilipad patungong Korea si Barbie para sa taping ng kaniyang upcoming series na Beauty Empire.

Malapit nang mapanood si Barbie sa Beauty Empire sa Viu kasama sina Kyline Alcantara at Ruffa Gutierrez bago ito opisyal na umere sa GMA.

Si David naman ay pumasok sa PBB bilang houseguest nitong Linggo, May 4, isang araw matapos ang ikaapat na nomination night ng programa.

Samantala,tingnan dito ang kilig photos nina Barbie Forteza at David Licauco: