Around GMA

Article Inside Page

Ngayong Huwebes (July 20), bumisita si Barbie Forteza sa dati niyang elementary school, ang Pagkakaisa Elementary School sa Biñan City.

 

Barbie Forteza spends her afternoon with teachers and students from Pagkakaisa Elementary School #birthday #barbieforteza #kapuso #artistcenter @barbaraforteza

A post shared by GMA Artist Center (@artistcenter) on Jul 20, 2017 at 4:30am PDT

Saad ni Barbie sa kaniyang interview, "Dito ako nag-elementary talaga sa Pagkakaisa Elementary School, mula grade one hanggang grade four bago ako magsimulang mag-commercials dati. Dito pa rin nagtuturo 'yung mga teachers ko dati. Sobrang saya! Wala silang pinagbago, lahat sila tuwang-tuwa na makita ako. 'Di nila naaalala na binagsak nila ako dati [laughs]."

Inalala ng Kapuso actress ang pinagdaanan nilang mga estudyante noong siya ay nag-aaral pa sa pampublikong paaralan. 

Aniya, "Sa isang maliit na classroom, dalawa lang 'yung electric fan namin 'eh ilan kami? Seventy na pupils! Sobrang init, sobrang siksikan kami. 'Yung upuan namin noon na kasya tatlo, pinagkakasya namin ang lima sa mahabang bench."

Hindi man prestihiyosong eskwelahan ang pinagmulan ni Barbie, inamin niya na puno ng masasayang alaala ang kaniyang stay sa Pagkakaisa Elementary School,"[Pero] dito 'yung best childhood memory ko 'nung elementary kasi after nito, nag-artista na ako so medyo naging pang-matanda na 'yung buhay ko."

Kaya naman para sa kaniyang early birthday celebration, sinikap ni Barbie na makapag-give back sa dati niyang paaralan.

"Naisipan namin ng Artist Center at ng sponsors ko na mag-donate ng 26 na stand fan sa mga classroom. Actually last year ko pa plano [ito] kaya lang 'yung ginawa ko, 'yung budget para sa last year inipon ko para ma-doble sa budget this year para madaming mabigyan. Mabuti naman at napagbigyan ako ng Artist Center," wika ng aktres.

 

A post shared by GMA Artist Center (@artistcenter) on Jul 20, 2017 at 1:53am PDT

Ano naman kaya plano ni Barbie sa kaniyang birthday this July 31?

"Kung wala akong gagawin sa mismong birthday ko, gusto kong mag-roadtrip kasama ng family ko. Siguro punta kami somwhere north or sa Biñan para makasama namin 'yung mga kamag-anak namin. Ayoko mag-stay sa bahay kasi parang buong taon nasa bahay lang kami kahit Pasko. So gusto ko sa birthday ko, mag-iko tikot kami kahit saan, wala namang particular place."

Earlier this week, inanyayahan si Barbie ng Make-A-Wish Foundation upang paligayahin ang batang may sakit na leukemia.