Around GMA

Article Inside Page

Reunion para kay Kapuso Drama King Dennis Trillo at multi-awarded actress and box office queen Bea Alonzo ang bagong romance drama series na Love Before Sunrise.

Matatandaang pareho silang naging bahagi ng Batch 10 ng Star Circle ng dati nilang home network na ABS-CBN.

Matapos ang 20 years, muling magsasama sina sa Love Before Sunrise bilang ex-lovers na sina Atom at Stella.

Dahil dito, inilarawan ni Bea si Dennis bilang "familiar" at madali niyang nagawang pagkatiwalaan ito sa kanilang mga eksena.

"It feels familiar but at the same time it feels all new. It's a different feeling but I like this feeling because there's this level of trust.

"Kasi, pareho kaming ni-launch at the same time sa Star circle, so somehow, I feel na I can trust him," bahagi ng aktres sa cinema screening at media conference ng Love Before Sunrise noong September 16 sa SM Megamall.

Bukod dito, naging fan din daw ni Dennis si Bea.

"I feel na kahit na magkalayo kami ng matagal na panahon, talagang naging fan niya ako from the sidelines. I would always cheer for him, I would always root for him in his different projects. I've seen him grow as a an actor so I just feel lucky and honored to be working wtih him on this show," kuwento ni Bea.

Gayunman, aminado si Bea na nailang daw siya kay Dennis, lalo na noong unang araw ng taping nila para sa Love Before Sunrise.

"'Yung first day sa set namin, sa totoo, may ilangan. Ako, medyo naiilang ako kasi we had to do scenes na dapat kami na, nasa relationship na kami. Parang at first, medyo mahirap siya kasi siympre kailangan niyo muna makilala ulit 'yng isa't isa," paliwanag niya.

Nanaig naman daw ang pagiging mga aktor nila kaya nagawa nila nang maayos ang kanilang mga eksena.

"But then we're professional actors so we got over that easily. We had to, to make the scene work. I just feel na nakatulong din 'yun, kasi nga sabi ko kanina, may sense of him being familiar to me. 'Yung tingin niya, 'yung hawak niya, somehow I feel familiar," lahad ni Bea.

Tila sinasalamin din daw ng muling pagkakakilala nila ni Dennis ang pag-usbong ng pag-ibig sa pagitan ng kanilang mga karakter sa serye.

"I guess 'yung mystery, kasi I think he's very mysterious, I guess nakatulong 'yun in terms of 'yung quote-unquote falling in love stage naming dalawa," ani Bea.

SILIPIN ANG MGA KAGANAPAN SA CINEMA SCREENING AT MEDIA CONFERENCE NG LOVE BEFORE SUNRISE DITO:

Ang Love Before Sunrise ay kuwento ng maraming "what ifs" ng dalawang taong nagkaroon ng "right love at the wrong time."

Mula sa GMA Entertainment Group, ang Love Before Sunrise ay pangalawang serye na bunga ng historic collaboration ng GMA Network at Viu, ang leading pan-regional over-the-top (OTT) video streaming service.

Huwag palampasin ang world television premiere ng Love Before Sunrise, September 25 sa GMA Telebabad. Maari ring mag-stream ng advanced episodes nito sa Viu simula September 23.