Around GMA

Article Inside Page

Nagpaabot ng wedding wishes ang Whispers From Heaven cast na sina Maricar Reyes at Cassy Legaspi para sa co-star nila na si Bea Alonzo, maging ang kanilang directors na sina Zig Dulay at Jorron Lee Monroy.

Anila, tulad ng marami, ikinagulat din nila ang balitang ikinasal na si Bea. Noong Lunes, July 13, nagkaroon ng civil wedding si Bea sa business tycoon na si Vincent Co.

"Dapat may taping kami tapos biglang nagkaroon siya ng emergency, 'yun pala 'yon," kuwento ni Direk Jorron sa interview niya kay Nelson Canlas para sa 24 Oras.

"For Bea, I'm very happy for her kasi itong ending na 'to parang sa pelikula lang natin 'to napapanood pero it happened to her in real life."

Sobrang nagulat din si Maricar nang malamang ikinasal na si Bea. Aniya, "But very happy for her. [Bea], oh my god, ginulat mo kami, but congratulations. I wish you all the best on this new journey. Super excited for you."

Sa Instagram Stories naman ibinahagi ni Cassy Legaspi ang video ng pagsalubong nila kay Bea sa set ng Whispers from Heaven.

Aniya, "Congratulations Ate Bea! Truly blooming indeed."

Source: Cassy Legaspi (IG)

Samantala, ibinahagi ni Bea sa kanyang IG Stories ang pagbati sa kanya ni Direk Zig.

Sulat ng direktor, "Nakakahawa ang saya mo. Congrats, @beaalonzo."

Bukod sa kanyang Whispers From Heaven family, nakatanggap din si Bea ng pagbati mula sa kapwa celebrities tulad nina Angel Locsin, Sarah Lahbati, Jessy Mendiola, Billy Crawford, Jericho Rosales, Yam Concepcion, Dawn Zulueta, Kylie Verzosa, Shaira Diaz, Jackie Lou Blanco, Benjamin Alves, Jeric Gonzales, at Royce Cabrera.

Related content: Bea Alonzo and Vincent Co's low-key wedding wins hearts