Around GMA

NCAA: Sleat, Gojo Cruz save best for last as Perpetual beats Benilde in battle for third
Mall of Asia opens football park to boost the sport's popularity in PH
Food pack, tubig at iba pa, hatid ng GMAKF sa mga nasalanta ng Bagyong Tino sa Negros Island | 24 Oras

Article Inside Page

Showbiz News

Walang alinlangang sinabi ni Bea na espesyal si Jake sa pagiging siya at tanggap niya nang buong-buo ang kanyang boyfriend.


Nakapanayam ng GMANetwork.com si Bea Binene sa set visit ng Vampire Ang Daddy Ko last January 9 at nagkuwento ang young Kapuso actress tungkol sa kanyang showbiz boyfriend, si Kapuso actor Jake Vargas.

Magkasama ang dalawa noong New Year countdown ng GMA sa Seaside Boulevard ng Mall of Asia. Ayon kay Bea, iyon ang ikalawang New Year nila na magkasama.

Walang alinlangang sinabi ni Bea na espesyal si Jake sa pagiging siya at tanggap niya nang buong-buo ang kanyang boyfriend.

Sabi pa niya, “I value his own little ways of making me happy and inspiring me each and every day.”

May couple shirt na ibinigay si Jake sa kanya at pinakakaingatan ito ng dalaga. Buong pagmamalaki rin na ikinuwento sa amin ni Bea na si Jake raw ang tipo ng lalaki na bigla na lang magsasabi ng pick-up lines at sweet words out of nowhere.

“Minsan corny siya. ‘Yong mga jokes niya corny pero nakakatawa in fairness. Hindi siya masyadong nagbibigay ng sobrang mahal na gifts pero it’s the thought that counts. Nag-e-effort siya at he makes time for you talaga.”

Sa part naman ni Bea, ito ang ginagawa niya: “Pinapakita ko sa kanya that I appreciate everything he does. Kunwari he did something special, kahit papaano gumagawa rin ako ng something special. Sinusuklian ko naman.”

Sa kalagitnaan ng aming interview, isang tawag ang natanggap ni Bea. Panandalian siya huminto para sagutin ang espesyal na tao na tumawag sa kanya, walang iba kundi si Jake.

Pagkatapos ni Jake tumawag, tinanong namin si Bea kung lagi bang ginagawa iyon ni Jake sa kanya.

“Opo. Hindi po siya ma-text eh. Lagi siyang tumatawag. Gusto niya talaga alam niya kung ano ang ginagawa ko. Alam niya kung nasaan ako. Alam niya kung sino kasama ko.”

Napabalita noon na nag-break sila ni Jake ngunit nagkabalikan din sila kaagad. “Ngayon, we’re stronger at mas kilala na namin ang isa’t isa. We know what not and what to do,” aniya.

Paano ba sila nagkabalikan? “Sinurprise niya ako noon sa birthday ko. After that may mga kasunod pang mga surprise. Na-appreciate ko ‘yon and then nag-usap kami ng maayos.”

Ngayong naging stronger ang relationship nilang dalawa, ano naman ang maipapayo niya sa bawat relationship para tumibay ito?

“Be transparent sa nararamdaman niyo pareho. Kung may something kang nararamdaman na alam mong hindi maganda, alam mong naba-bother ka. Sabihin mo sa partner mo. Sabihin mo, ‘Kasi ganito ang nararamdaman ko’. Communication is very important. Don’t lie. Ang key diyan, love, respect, communication. Trust din siyempre.”

Panoorin si Bea Binene sa Vampire Ang Daddy Ko every Saturday after Picture! Picture! at every Sunday sa Sunday All Stars after Kapuso  Movie Festival, only on GMA.

Para sa updates kay Bea at sa paborito niyong shows at stars, laging bisitahin ang www.gmanetwork.com.

-- Text by Eunicia Mediodia, Photo by Bochic Estrada, GMANetwork.com