Around GMA

Article Inside Page

Maghahatid ng kilig ang Kapuso stars na sina Shaira Diaz at David Licauco ngayong linggo sa digital channel na I Heart Movies.

Tampok kasi rito ang romantic comedy movie nila na Because I Love You.

Gaganap si Shaira bilang si Summer, isang very independent at street-smart na babaeng nagtatrabaho bilang bumbero. Si David naman ay si Rael, tahimik at konserbatibong tagapagmana ng kanilang family business.

Magkaiba ang mga mundong ginagalawan kaya mag-aalangan si Summer na buksan ang kanyang puso kay Rael.

Bibigyan ba ng pagkakataon ni Summer si Rael?

Kasama nina Shaira at David sa pelikula si award-winning actor Martin del Rosario at si Miss Universe Philippines 2023 Michelle Dee.

Abangan ang Because I Love You, March 18, 8:00 p.m. sa Pinoy Movie Date.

Magbibigay naman ng saya ang tambalan ng mga singer-comedians na sina Michael V. at Ogie Alcasid sa Yaya and Angelina: The Spoiled Brat Movie.

Base ang pelikula sa patok na Bubble Gang skit na "Ang Spoiled." Sa pelikula, masisisante si Yaya Rosalinda (Michael V.) dahil sa panibagong kalokohan ni Angelina (Ogie Alcasid).

Dahil walang nagbabantay kay Angelina, maki-kidnap siya! Gagawin naman ni Yaya Rosalinda ang lahat para mabawi ang pilyang alaga.

Tunghayan ang Yaya and Angelina: The Spoiled Brat Movie, March 23, 8:00 p.m. sa Pinoy Movie Date.

Mapapanood ang I Heart Movies sa channel 5 ng digital TV receiver na GMA Affordabox at GMA Now. Available din ito sa iba pang digital television receivers.