Around GMA

Article Inside Page

Ngayong Hunyo, mapapanood na sa Philippine television ang Taiwanese drama series na inihahandog ng GMA Heart of Asia sa bawat manonood!

Ito ay ang seryeng Behind Your Smile na pagbibidahan nina Marcus Chang at Eugenie Liu.

Mapapanood din dito ang ilan pang Taiwanese stars na sina Esther Yang, Sean Lee, Angel Hong, at marami pang iba.

Ang kuwento nito ay iikot sa buhay ng isang lalaki na si Ivan (Marcus Chang), na ang puso ay napuno ng galit at mga planong paghihiganti dahil sa mga matitinding naging karanasan niya sa buhay.

Nang mawalan na siya ng gana sa sarili at sa lahat ng bagay sa kaniyang paligid, makikilala niya si Jessa (Eugenie Liu), ang babaeng tutulong sa kaniya upang magbago ang kaniyang buhay.

Pero sino nga kaya si Jessa sa buhay ni Ivan?

Kaya nga bang takpan ng tunay na pag-ibig ang masalimuot na nakaraan ng isang tao?

Abangan ang kuwento ng paghihiganti at pag-ibig sa Behind Your Smile, malapit nang mapanood dito lamang sa GTV.

Samantala, kilalanin ang cast ng upcoming drama series na Start-Up Ph sa gallery na ito: