Ben&Ben's drummer Jam Villanueva suffers from 'drummers wrist'
Around GMA
Around GMA
Cabral poised to do ‘tell-all’ before her death, says Lacson Davao police say boy’s injury not caused by firecrackersArticle Inside Page
Showbiz News
Pinagpapahinga muna ng isang buwan ang drummer ng Ben&Ben na si Jam Villanueva dahil sa kondisyon na hinaharap niya ngayon.
Isang malungkot na balita ang ibinahagi ng folk band na Ben&Ben patungkol sa kanilang 'The Traveller Across Dimension' tour, at sa kanilang drummer na si Jam Villanueva. Ayon sa Facebook post ng banda, kailangan muna nilang ihinto ang naturang tour dahil sa injury ng kanilang drummer.
Sa kanilang Facebook post, ibinahagi ng banda na pinagdadaanan ngayon ni Jam ang De Quervain's tendinosis at “dummer's wirst.” Ang De Quervain's tendinosis ay ang pamamaga ng mga tendons sa malapit sa hinlalaki dahil sa mga repetitive motions na ginagawa nito at ng wrist o pulso.
Ang dummer's wrist naman ay wrist pain dahil sa repetitive motions ng pagtambol ng drums. Dahil dito, naapektuhan ang kakayahan ng kaliwang braso ni Jam na tugtugin ang naturang instrumento.
“She still continued to rehearse with the band for the past weekend's performances though, while working with specialists to manage her pain,” saad ng kanilang post.
KILALANIN NG MGA MIYEMBRO NG BANDANG BEN&BEN SA GALLERY NA ITO:
Sinigurado ng Ben&Ben na magagamot naman ang mga kondisyon ngayon ni Jam, at sinabing maraming drummers na rin ang nagkaroon at gumaling mula sa mga ito. Ngunit para mas makapagpahinga umano ang kanilang kaibigan at kabanda, ihihinto muna nila pansamantala ang kanilang 'The Traveller Across Dimension' tour.
“But to properly heal, Jam's doctor has advised her to completely rest her left wrist for at least the entire month of June. While we will miss the energy and magic she shares with us on stage, her health is our utmost priority,” saad nila.
Pagpapatuloy nito, “Since Jam will be unable to join our June performances, we will be rescheduling our 'The Traveller Across Dimensions' shows in Bacolod and Davao.”
Wika rin ng Ben&Ben ay gusto nilang makita at marinig ng fans ang full experience ng banda at naniniwala silang mas mabuting i-reschedule na lang ang kanilang tour.
Sa ngayon ay pinagdadasal na lang nila ang mabilis na paggaling ni Jam, at ipinahayag ang kanilang “unwavering support” sa kanilang kabanda. Hiniling din nila sa kanilang fans na bigyan sila ng kaunting pasensya habang inaayos pa nila ang mga detalye para sa shows nila sa Bacolod at Davao.
