Around GMA

Article Inside Page

Nitong August 8, napanood si Benjamin Alves bilang guest sa Fast Talk with Boy Abunda.

Sa naging panayam ni Tito Boy Abunda sa kanya, inilahad niya ang ilang detalye tungkol sa kanyang karakter sa murder mystery drama na Widows' War.

Isa sa mga tanong ni Tito Boy ay kung mayroon bang sikreto si Basil Palacios, ang karakter ni Benjamin na kamakailan lang ay namaalam na sa serye.

Sagot ng Kapuso star, “Parang wala naman po, Tito Boy, parang what you see is what you get. 'Yun nga lang, he doesn't explain it.”

“Kumbaga, he has no shame, he doesn't hide anything so I think in the next few episodes, malalaman n'yo po ang sikreto ni Basil,” pagpapatuloy niya.

Dagdag pa ni Benjamin, hindi niya alam kung sino ang tunay na pumatay sa kanyang karakter.

“The only thing secret now is sino nga ba ang naglason kay Basil. Even I, don't know who killed Basil. I have a guess on who killed Basil, pero 'wag na natin…”

Kasunod nito, pinag-usapan din nila kung paano nagpaalam si Benjamin kay Basil.

Sabi ni Tito Boy, “Nung namatay si Basil, you said goodbye. Two words stood out, zesty and sassy.”

Ipinaliwanag niya ang tungkol sa paraan niya ng pagpapaalam niya kay Basil.

Pahayag niya, “I think everyone has a zesty side and a sassy side, I just think, for me, hindi ko pa siya napapalabas.”

“In workshops, I've explored it, you know, that zesty, that sassy side, you know, that B-side, so it will always be inside me. It was nice to have material and an opportunity to show it,” dagdag pa ng aktor.

Samantala, sa susunod na episode ay makikilala na ang primary suspect sa pagkamatay ng karakter ni Benjamin.

Sino nga kaya ang killer ni Basil Palacios?

Ang Widows' War ay pinagbibidahan ng Kapuso actresses na sina Bea Alonzo at Carla Abellana.

Mapapanood ito tuwing Lunes hanggang Biyernes, 8:50 p.m. sa GMA Prime.

*Related gallery: LOOK: Benjamin Alves' thirst trap photos