What's Hot

Betong Sumaya, napatunayan ang kabaitan ni Alden Richards

By Jansen Ramos
Published October 22, 2019 7:15 PM PHT

Around GMA

Around GMA

Robots dance, clean, and rescue toy cats at expo in Japan
Dawn Zulueta opens up on navigating menopause with grace and confidence
Torres game-winner saves Benilde, forces semis do-or-die versus SBU 

Article Inside Page


Showbiz News

Alden Richards at Betong Sumaya concert


Ikinuwento ni Betong Sumaya kung paano niya napapayag si Alden Richards para maging bahagi ng kanyang first major concert, ang 'Betong's Amazing Concert: Try Ko Lang Ha?'

Napatunayan ng Kapuso comedian na si Betong Sumaya ang kabaitan ng kanyang The Gift co-star na si Alden Richards.

Sa Instagram post ni Betong noong September 3, sinabi niyang "blessing" ang turing niya sa Asia's Multimedia Star.

Sa parehong post, pinasalamatan din ni Kapuso comedian si Alden sa pagpayag nito sa isang pabor na kanyang hiningi.

"Ty sa pagpayag ha, alam mo na yun, hehehe," sulat ni Betong sa kanyang caption.

My OOTD for Alden's Mediacon, thanks Mama Reg 😉 Again congratulations Alden, more blessings to you and your family 😉 You deserve all the blessings at maraming salamat dahil isa ka sa mga itinuturing kong blessings sa buhay ko 😉 Ty sa pagpayag ha, alam mo na yun hehehe 😉 Amazing 😉 #AldenAsiaMultiMediaStar #TheGift

A post shared by Alberto S. Sumaya, Jr (@amazingbetong) on

Ang tinutukoy ni Betong ay ang pagpayag ni Alden na maging guest sa kanyang first major concert, na pinamagatang Betong's Amazing Concert: Try Ko Lang Ha?, sa November 21 sa Music Museum.

Ty po LORD 🙏 Subok lang ito guys at lakasan lang ng loob hehehe, invite ko po kayo sa aking 1st ever Birthday & Thanksgiving concert on Nov 21, 2019 mismong birthday ko po ito sa Music Museum 😊 With a lot of amazing guests na sobrang espesyal sa akin 😉Ty GMA, GMA Artist Center & MA Productions sa inyong encouragement & support, amazing 😉 #TyPoLORD #Blessing #BetongsAmazingConcert

A post shared by Alberto S. Sumaya, Jr (@amazingbetong) on


Ngayong Martes, October 22, ikinuwento ni Betong sa media conference ng kanyang upcoming concert kung paano niya niligawan si Alden para maging parte nito.

"Actually, no'ng sinabi ko nga sa kanya, hiyang-hiya ako.

"Sabi ko, baka masyadong busy itong tao na 'to pero siya po 'yung nagsabi sa 'kin na, 'O sige, iche-check natin 'yan basta para sa 'yo, gagawin natin kahit na walang bayad.'"

Biro pa ni Betong, "Medyo ihuhuli po natin si Alden kasi baka po kapag nauna si Alden, baka wala nang tao."

Bukod kay Alden, kabilang din sa star-studded guest list ng first major concert ni Betong sina Dingdong Dantes, Miguel Tanfelix, Jeric Gonzales, Arthur Solinap, Patricia Javier, Maricris Garcia, Maey Bautista, Chuckie Dreyfuss, Carlo Gonzalez, Anthony Rosaldo, at Aicelle Santos.

Magpe-perform din ang Bubble Gang co-stars ni Betong na sina Michael V., Chariz Solomon, Valeen Montenegro, at Lovely Abella.

Ang Betong's Amazing Concert: Try Ko Lang Ha? ay ipo-prodyus ng Michael Angelo Productions at Make It Happen Media Production in partnership with GMA Artist Center.

LOOK: Betong Sumaya receives first recognition at the Best Choice Achievement Awards 2019