Around GMA

Article Inside Page

Dahil sa kinakaharap na suliranin ngayon ng bansa dulot ng 2019 coronavirus disease (COVID-19), hinikayat ni Kapuso comedian Betong Sumaya ang publiko na maging tapat sa pagbibigay ng kaukulang impormasyon sa mga awtoridad at healthworkers.

View this post on Instagram

A post shared by Alberto S. Sumaya, Jr (@amazingbetong) on Jul 30, 2019 at 1:28am PDT

Sa isang video post sa Instagram nitong Lunes idinaan ni Betong ang kanyang panawagan.

Aniya, “Sa panahon po ngayon, kailangan po natin maging tapat. Hinihikayat po ng Department of Health (DOH) sa lahat po ng mga pasyente na i-disclose po sa ating healthworkers ang tunay po ninyong travel history at kung kayo man ay na-expose sa mga taong may COVID-19.

“Sa ganitong paraan po ay maaari nating mailigtas ang inyong buhay, ang buhay po ng ibang tao, ng healthworkers at ng kanila pong mga inilagaan.

“Sa panahon po ngayon, katotohanan po ang kailangan.”

View this post on Instagram

Let's do our part mga Kapuso ❤️

A post shared by Alberto S. Sumaya, Jr (@amazingbetong) on Mar 23, 2020 at 12:35am PDT

Ang panawagan ay bunsod ng mga report na nagdulot na ng panganib ang pagsisinungaling at pagtatago ng mga pasyente ng kanilang mga travel history.

Base sa mga lumabas na ulat, isang pasyente ang hindi nagsabi ng totoo nang tanungin ng doktor kung may travel history ito.

Ngunit ilang araw ang lumipas ay napag-alamang galing ang pasyente sa isang bansa na may COVID-19 cases, at positibo rin siya sa naturang virus.

Makaraan ang ilang araw, ay namatay ang kanyang doktor, at kinailangang i-quarantine ang lahat ng mga nakasalamuha ng pasyente sa ospital.

Gaya ng pahayag ni Betong, kailangan ng lahat na maging matapat lalo na sa oras na lumalaban ang buong mundo sa perhuwisyong hatid ng COVID-19.

Ruby Rodriguez says her sister Dr. Sally Gatchalian is battling COVID-19

Dingdong Dantes, nanawagan ng kooperasyon at pagtutulungan sa gitna ng banta ng COVID-19