Bianca Umali, hinangaan ng 'Sang'gre' co-stars sa huling laban nina Terra at Gargan
Around GMA
Around GMA
Rider, passenger hurt in acid attack in Cagayan de Oro VP Sara gets emotional during Davao City gathering PSA launches service for digital issuance of civil registry documentsArticle Inside Page
Showbiz News
Ipinarating mismo nina Faith Da Silva, Kelvin Miranda, at Angel Guardian kung paano naapektuhan ang kanilang mga karakter sa 'Sang'gre' sa pagkamatay ni Terra. Basahin dito:
Hindi lang ang manonood ang humanga kay Bianca Umali sa husay na kanyang ipinamalas sa mabigat at tagos-pusong huling laban ni Terra kay Gargan sa Encantadia Chronicles: Sang'gre kundi maging ang kanyang co-stars na sina Faith Da Silva, Kelvin Miranda, at Angel Guardian.
Sa interview kay Aubrey Carampel ng 24 Oras, sinabi ni Faith kung paanong siya naapektuhan ang kanyang karakter na si Flamarra sa pagkamatay ni Terra.
"Matindi. Sa totoo lang, more than anything else, dagdag trauma siya," sabi ni Faith. "Kasi si Flamarra nakita niya mismo sa kanyang mga mata ang pagkamatay ng kanyang ado (tatay), ng ada (nanay), pati pagkawala ni Mira (Kate Valdez), at ang karamihan sa kanyang family members.
"So, for her to see everything again with her own eyes na mamaalam ang isa sa mga kakampi niya sa buhay, syempre masakit."
Ibinahagi rin ni Angel kung gaano ito kabigat para sa kanyang karakter na si Deia: "Lalo na sa akin. For me as Deia sobrang bigat no'n, since s'ya lang 'yong nakakaunawa talaga sa akin since nakarating ako ng Encantadia at nakilala ko 'yung mga Sang'gre.
"Siya talaga 'yung umiintindi sa akin, naging kaibigan ko. And, siya na lang 'yung kumbaga mayroon ako since wala na rin akong pamilya. 'Yung pamilya ko umanib na rin sa kasamaan."
Tulad ng mga karakter nina Faith at Angel, malungkot at mabigat din para sa karakter ni Kelvin na si Adamus ang nangyari sa albe (pinsan) na si Terra.
"Malungkot din na mabigat kasi hinanap talaga namin si Terra para matupad ang aming tungkulin bilang mga tagapangalaga ng brilyante at hindi pa tapos 'yung aming pinagdaraanan, mayroon na naman kaming kakaharapin na mas mabigat na problema," sabi ni Kelvin.
Patuloy na subaybayan ang Encantadia Chronicles: Sang'gre, 8:05 p.m. sa GMA Prime at 9:45 p.m. sa GTV.
Mapapanood din ito online via Kapuso Stream sa official Facebook account at YouTube ng GMA Network. Maaari ring panoorin ang full episodes sa GMANetwork.com/Sanggre.
BASAHIN ANG ILANG PAPURING NATANGGAP NI BIANCA UMALI MULA SA SANG'GRE VIEWERS DITO:
