Around GMA

Article Inside Page

Magsisimula na sa Lunes (June 16) ang pinakamalaking telefantasya sa bansa ngayon, ang Encantadia Chronicles: Sang'gre.

Marami na ang nag-aabang na makilala ang bagong henerasyon ng mga Sang'gre na sina Bianca Umali bilang Terra, Kelvin Miranda bilang Adamus, Faith Da Silva bilang Flamarra, at Angel Guardian bilang Deia.

Pressured man sa success ng Encantadia pero ipinapangako ng new-gen Sang'gres na hindi madidismaya ang manonood at Encantadiks sa pagpapatuloy ng Encantadia Chronicles sa Sang'gre.

"There is pressure, and it is intense. Lahat ng mga Encantadiks, imagine ilang dekada na silang nagmamahal sa mundo na ito," sabi ni Bianca.

"Hindi kami papayag na we will be the generation who will actually disappoint them. In fact, we will be the generation who will convince them why it is worth waiting for," dagdag niya.

Pagpapatuloy ni Kelvin, ginamit niya ang pressure na nararamdaman para mas galingan pa sa kanyang role.

"Kung hindi mo naiintindihan 'yung pressure, kung hindi mo siya dadalhin, talagang matatalo ka niya. Pero kung sakaling maiintindihan mo kung bakit ka nape-pressure, saan siya nanggagaling, I think mas magagamit mo siya nang tama para mas galingan mo sa ginagawa mo," ani aktor.

Pagmamalaki ni Faith, humanga siya sa husay ng visual at detalyadong effects ng Sang'gre.

"'Yung visual ng Encantadia Chronicles: Sang'gre, masasabi ko talaga na na-level up talaga natin 'yung effects dito sa Pilipinas. Because ngayon lang din ako nakapanood at nakakita ng ganito ka-detail na mga effects," sabi ni Faith.

Panoorin ang official trailer ng Encantadia Chronicles: Sang'gre sa video na ito:

Abangan ang world premiere ng Encantadia Chronicles: Sang'gre ngayong June 16, 8:00 p.m. sa GMA Prime.

SAMANTALA, TINGNAN ANG NAGANAP NA MEDIA CONFERENCE NG ENCANTADIA CHRONICLES: SANG'GRE SA GALLERY NA ITO: