Around GMA

Article Inside Page

“Sobrang daming pagbabago.”

Ito ang masasabi ng mag-asawang Billy Crawford at Coleen Garcia sa relasyon nila ngayon sa dating mga katrabaho sa noontime show na It's Showtime.

Hindi lingid sa kaalaman ng publiko, nagsimula ang relasyon nila Billy at Coleen bilang co-hosts sa nasabing programa.

Pero simula nang magpandemya, hindi na muling napapanood ang mag-asawa It's Showtime pero aktibo pa rin sa kanilang mga sariling proyekto.

Sa pagbisita ni Billy at Coleen sa programang Fast Talk with Boy Abunda, kinumusta ni Boy Abunda ang dalawa tungkol sa estado ng relasyon nila ngayon sa kanilang dating It's Showtime co-hosts.

“Billy, Coleen, pareho kayong nanggaling sa It's Showtime, kumusta ang inyong relasyon sa inyong It's Showtime family?” tanong ni Boy sa mag-asawa.

Ayon kay Billy, nagkikita pa rin sila ng isa sa It's Showtime hosts na si Vhong Navarro.

Kuwento niya, I played basketball with Vhong. I went to his house and visited him.”

Pero pag-amin ni Billy, talagang marami nang nagbago ngayon sa kanilang samahan ng mga dating kaibigan at katrabaho.

Aniya, “We hardly, actually have time to communicate with every single person we know. It's hard enough with our own family. So the relationship has changed, to be honest with you Tito Boy. It's not like it used to be.”

Dagdag naman dito ni Coleen, “Everyday din kasi kaming magkasama before of course that changed.”

Paglalahad pa ni Billy, naging focus din nila ni Coleen ang kanilang binubuong pamilya.

“Simula noong… I guess you know when we started our family, everything completely changed,” ani Billy.

Kuwento naman ni Coleen, nakakapag-guest din siya noon sa iba pang programa ng It's Showtime host na si Tiyang Amy Perez.

“Tiyang Amy is our ninang.I just guested on her show via Zoom. Parang when they're there andoon naman e. It's just like we know so many people. We don't even keep up with our friends that we've known for so long,” ani Coleen.

Ayon pa kay Billy, "But I like what you said Tito Boy, I think relationships naman can be better. You know, through communication and through actual understandings somehow kasi a lot has changed Tito Boy in three years. Sobrang daming pagbabago.”

Samantala, mapapanood naman muli si Billy sa GMA sa biggest singing competition ngayon sa bansa na The Voice Generations, tuwing Linggo, 7:00 p.m. pagkatapos ng Bubble Gang.

Patuloy naman na tumutok sa Fast Talk with Boy Abunda sa GMA Afternoon Prime via television broadcast sa GMA at sa iba pang digital platforms.