'Black Rider' star Angeli Khang, black belter sa taekwondo
Around GMA
Around GMA
PBA: Head coach LA Tenorio activated for Magnolia; Andrada, Abis also get green light Gabbi Garcia reveals PCOS diagnosis, champions body positivity GMA Kapuso Foundation, naghatid ng tulong sa 8,000 nasalanta ng Bagyong Tino sa Dinagat Islands | 24 OrasArticle Inside Page
Showbiz News
Nagagamit ni Angeli Khang sa 'Black Rider' ang kanyang black belt sa taekwondo.
Napasabak din sa ilang maaksiyong eksena si sexy actress Angeli Khang sa full action series na Black Rider.
Ang karakter kasi niya rito na si Nimfa, ipinamalas ang itinatago niyang galing sa pakikipaglaban para tulungan si Elias na karakter naman ni primetime action hero Ruru Madrid.
"'Yung sa action, ibang genre naman. Ayun lang talaga 'yung challenging, nakakapagod. Matagal din pala kapag nagshu-shoot sa isang action scene," lahad ng aktres.
Baguhan man si Angeli sa paggawa na maaksiyong teleserye, hindi naman bago sa kanya ang martial arts.
"Nag-taekwondo ako noong 11 years old ago. Black belter [ako] at thankful ako na pina-taekwondo ako ng dad ko. Magagamit ko naman 'yung taekwondo skills ko, 'yung sports ko," kuwento niya.
Malaking tulong din daw si Ruru sa pagpapabuti ng kanyang mga eksena sa Black Rider.
"He's a very talented professional actor. Talagang he'll drive you to be better in scenes. Nakaka-drive siya para mas maging okay ka sa scene," papuri ni Angeli sa kanyang co-star.
Nagpapasalamat din siya sa tiwalang ibinigay sa kanya para maging bahagi ng isang top-rating primetime series.
"I'm so happy. My heart is very full. I feel blessed and honored na tinrust ako ng GMA, also Viva, na gampanan 'tong character na 'to. As much as possible, I want to switch my genre na kahit saan ako ilagay--kahit sa action, drama, comedy o ano man 'yan, kaya kong gawin as an artist," sabi ni Angeli.
Patuloy na panoorin si Angeli bilang si Nimfa sa 2024 New York Festivals bronze medalist at 2024 Gandingan Awards Most Development-oriented Drama Program na Black Rider!
SILIPIN ANG MEDIA CONFERENCE PARA SA BAGONG YUGTO NG BLACK RIDER KUNG SAAN DUMALO SINA RURU MADRID, YASSI PRESSMAN, ANGELI KHANG AT IBA PANG MIYEMBRO NG CAST:
Ang Black Rider ay kuwento ng isang simpleng delivery rider na magiging bayani ng lansangan at haharap sa isang malaking sindikato.
Kapit lang sa mas suwabe, mas maangas at mas kapana-panabik na bagong yugto ng full action series na Black Rider, Lunes hanggang Biyernes, 8:00 p.m. sa GMA Prime.
May simulcast ito sa digital channel na Pinoy Hits at may delayed telecast naman sa GTV, 9:40 p.m.
Maaari rin itong mapanood via livestream online sa Kapuso Stream.
Panoorin din ang buong ulat ni Lhar Santiago sa 24 Oras sa video sa itaas.
