Around GMA

Article Inside Page

Bago tayo pumili ng mga susunod na lider ng bansa sa darating na Eleksyon 2025, nag-iwan ng payo ang mga Ka-Bubble na sina Michael V. at Paolo Contis para sa mga botante.

Nakapanayam ng 24 Oras ang dalawang mahusay na Kapuso comedian sa ginagawa nilang "secret project."

Ayon kay Paolo, nasa kamay ng mga botante para maging masagana ang buhay nating lahat sa Pilipinas.

Paliwanag niya sa Chika Minute, “Aba! Kailangan lang tayo maging matalino at huwag magpapadala sa mga pangako na napako na dati. It's time for us para maging smart ngayon, tayo ang may hawak nung alas. So, it's up to us para maging masagana ang ating buhay.”

Sinegundahan naman ito ng award-winning comedian na si Direk Bitoy na sinabing, “Basta, piliin mo kung sino 'yung iboboto mo. Iboboto mo ba e makakatulong sa bansa natin o magiging pabigat lang?”

Source: 24 Oras

Naghahanda na rin ang Bubble Gang para sa nalalapit nilang grand 30th anniversary at isa sa mga pasabog nila para dito ang Bubble Gang ng Bayan!

Ano kaya ang hinahanap nila sa mga bagong talent ng longest-running gag show?

Paliwanag ni Michael V., “Siyempre gusto natin 'yung Gang na word sa Bubble Gang, e, maging totoong Gang talaga. Mas malaki, mas malawak 'tsaka mas maraming nasasakop tao, 'tsaka humor sa society.

“Actually, 'yun naman 'yung pag-adapt natin sa bagong comedy ika nga di ba? We are looking for new talents na dalawang ways 'yan, e. May matutunan kami for sure, at the same time matuturuan din namin din sila nung Bubble Gang way of comedy ika nga. So, it's one way of making sure na ang Bubble Gang will last,” dagdag naman ni Paolo.

RELATED CONTENT: Male stars na hinubog ng 'Bubble Gang' sa pagpapatawa