Cannes Best Actress na si Jaclyn Jose, muntik nang mag-back out sa 'Ma' Rosa'
Around GMA
Around GMA
Ada speeds up slightly as it moves away from PH Lalaki patay sang gintiro sang gwardiya nga iya ginbuno sa Barotac Nuevo | One Western Visayas Philippine flag carrier celebrates 85th anniversary with new aircraftArticle Inside Page
Showbiz News
Bakit nga ba siya nagdalawang-isip tanggapin ang pelikulang 'Ma'Rosa?'
Big winner ang Kapuso star na si Jaclyn Jose sa Cannes Film Festival dahil nauwi niya ang Best Actress award ngayong taon. Siya pa lang ang Pinay na nakatanggap ng prestihiyosong gantimpala sa buong Southeast Asia.
Lingid sa kaalaman ng karamihan, muntik na umano umatras ang beteranang aktres sa independent film na Ma’Rosa ni Brillante Mendoza. Kinumpirma ito ng Pinay pride sa kanyang panayam sa Unang Hirit, “Oo, ang hirap kasi magpapayat eh [at ang] sarap kumain.”
Pero bakit nagbago ang kanyang isip? “‘Kung mapapalitan ako, mapapalitan si Andi [Eigenmann]’,” kuwento ng versatile actress. Dagdag pa niya, “[Gusto ko] maranasan [ng anak ko] ang mga naranasan ko when I was her age.”
Sa mismong film festival, kinilala rin si Andi ng Vanity Fair bilang Best Dressed sa red carpet kaya “nagkaroon siya ng dalawang national photo shoot.”
Samantala, hindi talaga akalain ng aktres na siya ang kikilalaning Best Actress dahil sa mga nominees. “‘Wala na ‘to, wala na’to,” ang kanyang naging reaksyon, dagdag niya, “[Sina] Isabelle Huppert [at] Marion Cotillard, [sila] po ‘yung mga bigating French [actresses] sa bansa [nila] na mas binibigyan nila ng priority kasi naman po napakahusay.”
Sa Pilipinas niya na raw naramdaman ang kanyang pagkapanalo dahil sa mainit na salubong sa airport, “Kasi kasama mo na ang kapwa mo, although sa France, may mga Filipino [ring] nagsisigawan din talaga. Bonus na talaga ‘to, grabe!”
Nagpapasalamat si Jaclyn sa patuloy na pagsuporta sa kanya at inaalay niya ang kanyang pagkapanalo sa bawat Pilipino. Ipapalabas raw ang pelikula sa Metro Manila Film Festival.
MORE ON JACLYN JOSE:
WATCH: Jaclyn Jose's priceless reaction after her big win in Cannes 2016
Celebrities rejoice over Jaclyn Jose's win in Cannes 2016
