Caprice Cayetano, gusto ni Heart Evangelista na gumanap bilang young version niya
Around GMA
Around GMA
Baguio City declares state of calamity due to fuel crisis Letran Lady Knights are the NCAA S101 women's volleyball champs Mapaang nga tiyempo padayon nga mabatyagan; bagyo, wala pa sang epekto | One Western VisayasArticle Inside Page
Showbiz News
Aprubado ni Heart Evangelista kung sakaling gumanap si Caprice Cayetano bilang younger self niya sa screen.
Hindi maikakaila na may special space sa puso ng Global Fashion Icon at Kapuso actress na si Heart Evangelista ang Sparkle star na si Caprice Cayetano.
Sa guest appearance ni Heart sa Fast Talk with Boy Abunda nitong Huwebes, April 9, mabilis siyang nagbanggit ng pangalan ng celebrity sa tanong ni Tito Boy kung sino ang gusto niyang gumanap bilang young Heart kung sakaling i-remake ang G-mik.
Ayon sa kanya, ang Pinoy Big Brother Celebrity Collab Edition 2.0 Big Winner na si Caprice Cayetano ang nilu-look forward niyang gumanap sa palabas bilang young Heart.
Related gallery: All the stunning looks of Caprice Cayetano
Si Heart ay nakilala noon bilang si Missy sa youth-oriented series na G-mik, na ipinalabas mula 1999 hanggang 2002.
Dito ay nakasama niya sina Camille Prats, Angelica Panganiban, Carlo Aquino, at ang naka-love team ni Heart noon na si John Prats.
Samantala, marami ang nakapansin at patuloy na pumupuri sa pagkakahawig nina Heart Evangelista at Caprice Cayetano.
Sa nakaraang interview ni Caprice, sinabi niyang kinilig siya sa mensahe ng kanyang Ate Heart tungkol sa sinabi ng huli na kung may kailangan siya ay tawagan lang siya ng young actress at willing siyang sumuporta rito.
Nagkasama noon bilang co-stars sina Heart Evangelista at Caprice Cayetano sa GMA's fantasy series na Mulawin vs Ravena.
