Around GMA

Article Inside Page

Isa si Caprice Cayetano sa kumumpleto sa bagong batch ng housemates ni Big Brother.

Ini-reveal sa mismong premiere ng Pinoy Big Brother Celebrity Collab Edition 2.0 na isa si Caprice Cayetano sa mga Kabataang Pinoy na bagong maninirahan sa iconic house.

Sa exclusive interview ng GMANetwork.com sa Sparkle star, ikinuwento niya na mayroon siyang mga mamimiss sa outside world.

Ayon sa kanya, “Ang pinakamamiss ko po sa outside world, 'yung family ko po siyempre.”

Bukod dito, inilahad ni Caprice na mamimiss din niya ang mga paborito niyang pagkain, at pati na rin ang kanyang mga kaibigan.

“Aside from my family, 'yung food, and friends ko po siyempre.”

Kasunod nito, sinabi ni Caprice na sobrang excited siya sa mga mararanasan niya sa loob ng Bahay Ni Kuya, lalo na kung sakali umanong doon siya abutan ng holidays.

Sabi niya, “Nae-excite po ako kasi parang something new. Hindi pa po ako nakakapag-celebrate ng Christmas or New Year na hindi ko kasama 'yung family ko. Mamimiss ko kaya sila or baka malilibang ako kasi marami akong kasama sa loob ng Bahay Ni Kuya.”

Samantala, si Caprice ay makikilala rito bilang Ang Demure Daughter ng Quezon City.

Subaybayan ang kanyang Pinoy Big Brother journey.

Abangan ang susunod na updates tungkol sa Pinoy Big Brother Celebrity Collab Edition 2.0.

Mapapanood ang reality show ng live sa GMA, Kapuso Stream, ABS-CBN Entertainment YT channel, at IWant tuwing weekdays, 9:40 p.m., Sabado, 6:25 p.m., at Linggo sa oras na 10:05 p.m..

Ipapalabas din ito sa Kapamilya Online Live weekdays, 10:15 p.m., Sabado, 9:15 p.m., at Linggo, 10:05 ng gabi.

RELATED CONTENT: The Big ColLove Fancon