
Abala sa kabi-kabilang guestings sa outside world ang Pinoy Big Brother Celebrity Collab 2.0 Kapuso Big Winner na si Caprice Cayetano.
Sa naging panayam ng GMA Pinoy TV kay Caprice, inilahad niya kung ano ang mga naging pagbabago matapos niyang manalo sa latest edition ng teleserye ng totoong buhay.
Para sa Sparkle star, nananatili siya bilang si Caprice na nakilala ng mga manonood at fans mula noong siya ay child star pa.
Binanggit din niya na ang mga nagbago sa kanyang buhay after ng journey niya sa Bahay ni Kuya ay puro positibong bagay at hindi maikakaila na thankful siya sa mga ito.
Pahayag ni Caprice, “Ako pa rin naman po ito. Mas nagiging confident at dumami po 'yung mga nagmamahal sa akin.”
Samantala, natupad na ni Caprice ang isa sa kanyang goals—ang makapag-donate sa charity —at dito ay buong puso niyang inilaan ang ilang parte ng kanyang winning prize bilang Kapuso Big Winner.
Si Caprice ay nakilala sa Pinoy Big Brother Celebrity Collab Edition 2.0 bilang Demure Daughter ng Quezon City.
*Related gallery: Silipin ang stunning looks ng PBB housemate na si Caprice Cayetano